আজি বিহাৰ বিধানসভা নিৰ্বাচনৰ হাইভল্টেজ ফলাফলৰ বাবে সকলোৱে দৃষ্টি নিবদ্ধ আছে ৷ অধিকাংশ নিৰ্বাচনী সমীক্ষা এজেন্সীৰ প্ৰাক নিৰ্বাচনী সমীক্ষা সঁচা প্ৰমাণিত কৰি পাটনাৰ মছনদ দখলৰ দিশে আগবাঢ়িছে এনডিএ ৷ মোদীৰ পদুম আৰু নিতীশ কুমাৰৰ তীৰৰ বৰষুণত তচনচ হয় মহাজোঁট বন্ধন।
মহাজোঁট বন্ধনৰ দলসমূহ ক্ৰমে আৰজেদি,কংগ্ৰেছ,ভিআইপি,বাওঁপন্থী দল সমূহৰ প্ৰক্ষেপিত অধিকাংশ প্ৰাৰ্থী ৰণত পৰিছে। উল্লেখযোগ্য বিহাৰত ৬১ টা সমষ্টিৰত প্ৰাৰ্থী দিয়া কংগ্ৰেছে বৰ্তমানলৈকে মাত্ৰ ৭ খন আসনত অগ্ৰগতি লাভ কৰিছে ৷
আনহাতে এসময়ত বিজেপিৰ ৰাজনীতি ভৱিষ্যত নিৰ্ণয় কৰা প্ৰশান্ত কিশোৰ বিহাৰত চুড়ান্তভাৱে হ’ল ব্যৰ্থ ৷ তেওঁৰ নেতৃত্বাধীন জন সুৰক্ষা পাৰ্টিয়ে ২৪৩ খন আসনত প্ৰাৰ্থী প্ৰক্ষেপ কৰি বৰ্তমানলৈকে এখনো আসনত অগ্ৰগতি লাভ কৰা নাই ৷
ভোট গণনাৰ শেহতীয়া খবৰ অনুসৰি বিজেপিয়ে ৮৪,জেডিইউ ৭৮,লোক জনশক্তি ২০,আৰজেডি ৩২,কংগ্ৰেছ ৭ আৰু বাওঁমৰ্চা ৭ আসনত অগ্ৰগতি লাভ কৰিছে।
By
By
