জুবিন গাৰ্গ গোচৰ আৰু শ্য়ামকানু মহন্তৰ বেংক একাউণ্ট পুনৰাই খোলাৰ নিৰ্দেশ আদালতৰ

সোমবাৰে গুৱাহাটীৰ কামৰূপ মেট্ৰ’পলিটান আদালতে জুবিন গাৰ্গৰ হত্যাৰ গোচৰত আদালতে শ্যামকানু মহন্তৰ বেংক একাউণ্ট খুলি দিয়াৰ নিৰ্দেশ দিলে, তদন্তকাৰী দলে BNSSৰ ধাৰা ১০৭ মানি চলা নাছিল বুলি উল্লেখ কৰে আদালতে। ৷ লগতে এই গোচৰ সন্দৰ্ভত পৰৱৰ্তী শুনানি ১৯ মাৰ্চত তাৰিখে ধাৰ্য কৰা হৈছে ৷  জুবিন গাৰ্গ গোচৰত নিয়োজিত চৰকাৰী পক্ষৰ বিশেষ ৰাজহুৱা অভিযোজক (বিশেষ অধিবক্তা) জিয়াউল কামাৰে সাংবাদিকৰ আগত কয়, “মহামান্য় ন্য়ায়ালয়ে ১৯ মাৰ্চ তাৰিখে অভিযুক্তৰ সাক্ষ্য় গ্ৰহণ কৰিব ৷ তাৰ পাছত মোকৰ্দমা আৰম্ভ হ’ব ৷” অভিযুক্ত সন্দৰ্ভত মন্তব্য় কৰি তেওঁ লগতে কয় যে, “অভিযুক্ত সন্দৰ্ভত মই একো ক’ব নোৱাৰিম ৷ তেওঁলোকে আৰু কি নতুন আবেদন দাখিল কৰে সেই বিষয়ে মই অজ্ঞাত ৷”জ্য়েষ্ঠ অধিবক্তাগৰাকীয়ে লগতে কয় যে অন্য় এক অভিযুক্ত সিদ্ধাৰ্থ শৰ্মাই ছিংগাপুৰ আৰক্ষীৰ প্ৰতিবেদন বিচাৰি ন্য়ায়ালয়ত কৰা আবেদন ন্য়ায়াধীশে খাৰিজ কৰিছে ৷ আনহাতে, মহাবীৰ একুৱা সন্দৰ্ভত চলি থকা অন্য় এক গোচৰৰ শুনানি (সহ অভিযুক্ত সিদ্ধাৰ্থ শৰ্মাৰ নাম থকা কোম্পানী) ১৯ মাৰ্চত তাৰিখে গ্ৰহণ কৰা হ’ব ৷