জুবিনৰ অন্তিমখন ছবি ‘ৰৈ ৰৈ বিনালে’ৰ পাইৰেচী কৰাৰ অভিযোগত গ্ৰেপ্তাৰ পাৰ্থ প্ৰতিম গগৈক

জুবিনৰ সপোনৰ অন্তিমখন ছবি ‘ৰৈ ৰৈ বিনালে’ৰ পাইৰেচী কৰাৰ অভিযোগত গ্ৰেপ্তাৰ দুলীয়াজানৰ পাৰ্থ প্ৰতিম গগৈক

অসমীয়াৰ আবেগ জড়িত হিয়াৰ আমঠু জুবিন গাৰ্গৰ সপোনৰ ছবি ”ৰৈ ৰৈ বিনালে’ পাইৰেচী কৰাৰ অভিযোগত গ্ৰেপ্তাৰ দুলীয়াজানৰ পাৰ্থ প্ৰতিম গগৈ নামৰ যুৱক এজনক ৷

উল্লেখ্য যে ‘ৰৈ ৰৈ বিনালে’ চিনেমা খন যাতে কোনো ক্ষেত্ৰত পাইৰেচী নহয় তাৰ বাবে সষ্টম হৈ আছিল অসম আৰক্ষী আৰু জুবিন ফেন ক্লাব ৷ তাৰ পিছত নিজ কুচৰিত্ৰ সলনি কৰা নাছিল একাংশ লোকে ৷

দুলীয়াজানৰ ২নং ছালাকটকী গাঁৱৰ পাৰ্থপ্রতিম গগৈ নামৰ যুৱকজনে ছবি খন চিনেমা গৃহত চাবলৈ গৈ গোপনে ম’বাইলত আবদ্ধ কৰি চিনেমাৰ ভিডিঅ’ সামাজিক মাধ্যমযোগে প্ৰচাৰ কৰিছিল ৷ ইয়াৰ পিছতে আৰক্ষীয়ে ক্ষীপ্ৰতাৰে অভিযান চলাই পাইৰেচী কৰাৰ অভিযোগত গ্ৰেপ্তাৰ কৰে পাৰ্থ প্ৰতিম গগৈ নামৰ যুৱকজনক ৷