তিনিচুকীয়া জিলাৰ পেঙেৰীত চাঞ্চল্যকৰ ঘটনা সংঘটিত হৈছে। সন্ধানহীন হৈছে বিশাল নেৱাৰ নামৰ এজন ব্যৱসায়ী। বিশালৰ মটৰ চাইকেল আৰু চেণ্ডেল উদ্ধাৰ হৈছে দিহিং নদীৰ ৰাই ঘাটত।
পেঙেৰী থানাৰ অন্তৰ্গত ব্ৰহ্মাজান অম্বিকাপুৰ নিবাসী বিশিষ্ট ব্যৱসায়ী ৪৭ বছৰীয়া বিবাহিত বিশাল নেৱাৰ। এক অজ্ঞাত কাৰণত নিজ ঘৰৰ পৰা যোৱা নিশা প্ৰায় ২ মান বজাত নিজৰ মটৰ চাইকেলখন লৈ ওলাই যোৱাৰ পৰাই সন্ধানহীন হয় বিশাল নেৱাৰ।
এক নিৰ্ভৰযোগ্য সূত্ৰৰ মতে, বিশাল নেৱাৰে ব্যৱহাৰ কৰা মটৰ চাইকেলখন আৰু তেওঁ পিন্ধি যোৱা চেণ্ডেলযোৰ মুগংপথাৰ এলেকাধীন দিহিং নদীৰ ৰাই ঘাটত উদ্ধাৰ হৈছে। সন্দেহ কৰি স্থানীয় লোকে দিহিং নদীত টুলুঙা নাৱৰে বিচাৰি থকা বুলি খবৰ পোৱা গৈছে।
পত্নী আৰু দুটা পুত্ৰ সন্তান এৰি সন্ধানহীন হোৱা বিশাল নেৱাৰৰ কোনো সদাশয় লোকে সম্ভেদ পালে 9859975594 নম্বৰত যোগাযোগ কৰিবলৈ পৰিয়ালবৰ্গই আহ্বান জনাইছে।
By
By
