১৫৬৮ খ্ৰীষ্ট্ৰাব্দত প্ৰতিষ্ঠিত ছিপাঝাৰৰ ঐতিহ্যমণ্ডিত খটৰা সত্ৰত মঙ্গলবাৰৰ পৰা চাৰিদিনীয়া বৰ্ণাঢ্য কাৰ্যসূচীৰে আৰম্ভ হৈছে পাচেতি মহোৎসৱ।
প্ৰতিবছৰে লাখ লাখ ভক্তৰ সমাৱেশ হয় খটৰা সত্ৰৰ পাচেতি মহোৎসৱত। খটৰা সত্ৰৰ পাচেতি মহোৎসৱৰ দ্ধাৰ উন্মোচন কৰি চাৰিদিনীয়া মহোৎসৱ মুকলি কৰে দৰং জিলাৰ আয়ুক্ত পৰাগ কুমাৰ কাকতিয়ে।
মহোৎসৱৰ লগত সংগতি ৰাখি ছিপাঝাৰ সমষ্টিৰ বিধায়ক ড° পৰমানন্দ ৰাজবংশীয়ে ফলক উন্মোচনেৰে সত্ৰৰ বহুমূখী ভৱনটি সদ্য প্ৰয়াত দৰং জিলা পৰিষদৰ সদস্য হেমন্ত কুমাৰ ডেকাৰ সোঁৱৰণত নামাকৰণ কৰে।
পাচেতি মহোৎসৱৰ বন্তি প্ৰজ্জ্বলন কৰে বেঙাবৰা সত্ৰৰ সত্ৰাধিকাৰ বাবুল ডেকাই। নিশা সত্ৰৰ শিল্পীসকলে পাচেতি উৎসৱৰ ‘দধি মথন’ ভাওনা পৰিৱেশন কৰে।
আধ্যাত্মিক দিশৰ উপৰিও পাচেতি মহোৎসৱৰ ন ন ৰূপে ক্ৰমাৎ বৃদ্ধি কৰিছে পাচেতিৰ গুৰুত্ব। উৎসৱৰ চাৰিওটা দিনত লক্ষাধিক ভক্তৰ সমাৱেশ হ’ব বুলি সত্ৰ পৰিচালনা সমিতিয়ে আশা প্ৰকাশ কৰে।
By
By
