চুবুৰীয়া মেঘালয়ৰ ডাউকীৰ অৰণ্যৰ মাজত উদ্ধাৰ গুৱাহাটীৰ যুৱকৰ নিথৰ দেহ ৷ ডাউকীৰ অৰণ্যৰ মাজত এজোপা গছত উলোমাই থোৱা অৱস্থাত বুধবাৰে উদ্ধাৰ হয় মৃতদেহটো ৷
মৃতদেহটো বশিষ্টৰ তপন দে’ নামৰ এজন যুৱকৰ বুলি চিনাক্ত কৰিছে মেঘালয় আৰক্ষীয়ে। শনিবাৰে মেঘালয়লৈ গৈছিল তপন ৷ তপনে চলাই যোৱা বাহনখনো লগত নথকাক লৈ আৰক্ষীৰ সন্দেহ কোনো দুৰ্বৃত্তই তপনক হত্যা কৰি গছত ওলমাই থৈ যোৱাৰ লগতে লৈ যায় বাহন খন ৷
ঘটনাৰ খবৰ লাভ কৰাৰ পিছত শোকত ভাঙি পৰে তপনৰ বশিষ্টৰ পৰিয়ালবৰ্গ। ইতিমধ্যে ডাউকীলৈ ৰাওনা হয় পৰিয়ালৰ লোক। মেঘালয় আৰক্ষীয়ে মৃতদেহ মৰনোত্তৰ পৰীক্ষাৰ ব্যৱস্থা কৰাৰ লগতে দুৰ্বৃত্তৰ সন্ধানত আৰম্ভ কৰিছে অভিযান।












