বিশ্বনাথৰ ঘিলাধাৰী নদীত সন্ধানহীন ১১ বছৰীয়া শিশুক বিচাৰি SDRF আৰু NDRF দলৰ উদ্ধাৰ অভিযান অব্যাহত আছে।
বিশ্বনাথ জিলাৰ চতিয়া থানাৰ অন্তৰ্গত ঘিলাধাৰী নদীত বৃহস্পতিবাৰৰ বিয়লি ভাগৰে পৰা সন্ধানহীন হৈ আছে এটি ১১ বছৰীয়া শিশু।
বিয়লিৰ ভাগত দলংগুৰিৰ ঘিলাধাৰী নদীত গা ধুবলৈ বুলি পানীত নামিছিল শিভম পানিকা নামৰ শিশুটি। ইয়াৰ পিছতে কাৰ্যতঃ সন্ধানহীন হয় শিশুটি।
ঘটনাস্থলীত চতিয়া আৰক্ষী উপস্থিত হৈ তদন্ত অব্যাহত ৰাখি SDRF আৰু NDRF দলক উদ্ধাৰ অভিযানৰ বাবে ব্যৱস্থা কৰিছে।
অৱশ্যে, ২ নং ঘিলাধাৰীৰ অজয় পানিকাৰ পুত্ৰ শিভম পানিকাক উদ্ধাৰ কৰিবলৈ সক্ষম হোৱা নাই যদিও পুনৰ আজি পুৱা ভাগৰে পৰা SDRF আৰু NDRF দলটো নদীত নামি তীব্ৰতাৰে উদ্ধাৰ অভিযান চলাই থকা পৰিলক্ষিত হৈছে।
By
By
