১৬ বছৰ তলৰ কিশোৰ-কিশোৰীৰ বাবে নিষিদ্ধ হ’ল সামাজিক মাধ্যম

১৬ বছৰ তলৰ কিশোৰ-কিশোৰীয়ে এতিয়াৰে পৰা সামাজিক মাধ্যম ব্যৱহাৰ কৰিব নোৱাৰিব । সামাজিক মাধ্যমৰ অতিমাত্ৰা ব্যৱহাৰ আৰু অপব্যৱহাৰৰ প্ৰতি লক্ষ্য ৰাখি ৰাজ্য চৰকাৰে এই সিদ্ধান্ত লৈছে । এই গুৰুত্বপূৰ্ণ সিদ্ধান্ত লৈছে কৰ্ণাটক চৰকাৰে । কৰ্ণাটকৰ মুখ্যমন্ত্ৰী সিদ্দাৰামাইয়াই শুকুৰবাৰে এই কথা ঘোষণা কৰি কয় যে ৰাজ্য চৰকাৰে ১৬ বছৰৰ তলৰ কিশোৰ-কিশোৰীৰ বাবে সামাজিক মাধ্যম নিষিদ্ধ কৰিব । কৰ্ণাটক বিধানসভাত বাজেট দাখিল কৰি এই কথা ঘোষণা কৰে মুখ্যমন্ত্ৰীয়ে ।মন্ত্ৰী প্ৰিয়াংক খাৰ্গেই লগতে কয়, “এয়া এক গুৰুতৰ বিষয় । ফিনলেণ্ডে এই ধৰণৰ ব্যৱস্থা গ্ৰহণ কৰিছে । যুক্তৰাজ্যইও একেধৰণৰ পদক্ষেপৰ কথা চিন্তা কৰিছে । অষ্ট্ৰেলিয়াই ইতিমধ্যে কিছুমান বিশেষ বয়সৰ ল’ৰা-ছোৱালীৰ বাবে সামাজিক মাধ্যম ব্যৱহাৰ কৰাত নিষেধাজ্ঞা আৰোপ কৰিছে ।”