ভোটগ্ৰহণ সম্পূৰ্ণ হোৱাৰ পিছতে বিপদত কুংকি চৌধুৰী

মধ্য গুৱাহাটী সমষ্টিৰ অসম জাতীয় পৰিষদৰ প্ৰাৰ্থী কুংকি চৌধুৰী ভোটগ্ৰহণৰ সম্পূৰ্ণ হোৱাৰ পিছতে বিপদত পৰিল । কুংকি চৌধুৰীৰ সামাজিক মাধ্যম টীমৰ ৪ সদস্যক আটক কৰিছে আৰক্ষীয়ে। কুংকি চৌধুৰীৰ সামাজিক কোষৰ বিৰুদ্ধে এজাহাৰ দাখিল কৰিছিল ভাৰতীয় জনতা পাৰ্টিৰ কৰ্মীয়ে। নিৰ্বাচন আয়োগৰ নীতি অমান্য কৰাৰ অভিযোগত নিশাই আটক কৰে ৪ সদস্যক। কুংকি চৌধুৰীৰ পলিটিকেল মেনেজমেণ্ট পৰিচালনা কৰিছিল আটক হোৱা ৪ সদস্যৰ টীমটোৱে। পলিটিকেল মেনেজমেণ্ট টীমৰ মূল লোকজন হাৰিয়ানাৰ সন্দীপ যাদৱ।নিৰ্বাচন আয়োগৰ নিয়ম অনুসৰি ভোট গ্ৰহণৰ পূৰ্বে ৪ যুৱকে এৰিব লাগিছিল অসম। অৰ্থাৎ ৪৮ ঘটনাৰ পূৰ্বে অসম এৰিব লাগিছিল বহিঃ ৰাজ্যৰ যুৱককেইজনে।কিন্তু নিয়ম অমান্য কৰি কুংকি চৌধুৰীৰ সৈতে গোটেই টীমটো ঘূৰি ফুৰাৰ তথ্য লাভ কৰিছিল আৰক্ষীয়ে। আৰু নিৰ্বাচনী নিয়ম উলংঘা কৰাৰ বাবে আটক কৰে ৪ যুৱকক।