নেদাৰলেণ্ডক ১৭ ৰাণত পৰাস্ত কৰিলে ভাৰতে

বুধবাৰে আহমেদাবাদৰ নৰেন্দ্ৰ মোদী ষ্টেডিয়ামত নেদাৰলেণ্ডৰ বিৰুদ্ধে লীগৰ অন্তিমখন মেচত অৱতীৰ্ণ হৈছে ভাৰতীয় দলটো । টছত জয়ী হৈ ভাৰতে প্ৰথমে বেটিং কৰিবলৈ সিদ্ধান্ত লৈ ২০ অভাৰত ৬ উইকেট হেৰুৱাই ১৯৩ ৰাণ সংগ্ৰহ কৰে । ইয়াৰ বিপৰীতে নেদাৰলেণ্ডে ৭ উইকেটত ১৭৬ ৰাণহে সংগ্ৰহ কৰিবলৈ সক্ষম হয় । ভাৰত গ্ৰুপ এৰ শীৰ্ষস্থান দখল কৰি চাৰিখন খেলৰ ভিতৰত চাৰিখন খেলত জয়লাভ কৰে ।ভাৰতৰ হৈ শিৱম ডুবেই ৩১টা বলত ৪টা চাৰি আৰু ৬টা ছয়ৰ সহায়ত ৬৬ ৰাণ সংগ্ৰহ কৰে । সূৰ্যকুমাৰ যাদৱে ২৮টা বলত ৩৪ ৰাণ সংগ্ৰহ কৰে । তিলক বাৰ্মাই ২৭টা বলত ৩১ ৰাণ সংগ্ৰহ কৰে । হাৰ্দিক পাণ্ডিয়াই ২১টা বলত ৩০ ৰাণ সংগ্ৰহ কৰে । ৭টা বলত ১৮ ৰাণ সংগ্ৰহ কৰে ঈশান কিষাণে । আনহাতে ৬ ৰাণত অপৰাজিত হৈ থাকে ৰিংকু সিং । নেদাৰলেণ্ডৰ হৈ লগাণ ভান বিকে ৩টা, আৰিয়ান দত্তই ২টা, আৰু কাইল ক্লেইনে ১টা উইকেট দখল কৰে ।উল্লেখ্য যে, টি-২০ বিশ্বকাপৰ যাত্ৰা সামৰণি পৰিছে নেদাৰলেণ্ডৰ ।নেদাৰলেণ্ডে প্ৰতিযোগিতাখনত একমাত্ৰ নামিবিয়াৰ বিৰুদ্ধে জয়লাভ কৰিছিল ।