শিলসাঁকোৰ উচ্ছেদিত ভূমিত একাংশ উচ্ছেদিত লোকে নতুনকৈ ঘৰ সজাৰ চেষ্টা কৰিছিল বুধবাৰে ৷ সেই খবৰ লাভ কৰাৰ পিছতে দিছপুৰ আৰক্ষী উপস্থিত হৈ গৃহ নিৰ্মাণত বাধাৰোপ কৰে। ইয়াকে লৈ আৰক্ষীৰে খণ্ডযুদ্ধত লিপ্ত হয় উচ্ছেদিত লোকে৷ ইয়াৰ পিছতে পৰিস্থিতি উত্তপ্ত হৈ পৰে ৷আৰক্ষীক বাধা প্ৰদান কৰাৰ অভিযোগত চান মহম্মদ কুৰচি আলম, ফুলবৰ আলী,লালন ৰয় আৰু চমেত আলিক আৰক্ষীয়ে গ্ৰেপ্তাৰ কৰে দিছপুৰ আৰক্ষীয়ে।
আজি শিলসাঁকোৰ উচ্ছেদিত লোকে দিছপুৰ থানাত উপস্থিত হৈ থানা ঘেৰাও কৰে ৷ ক্ষুব্ধ মহিলাই অচিৰেই আটকাধীন লোক কেইজনক মুক্তি দিয়াৰ দাবী কৰে ৷ তেওঁলোকে এই সন্দৰ্ভত কয়,শিলসাঁকোৰ মাটি দখল কৰাৰ বাবে যদি আমাক উচ্ছেদ কৰিছে ,তেন্তে একেই কাৰণত জয়ন্ত মল্ল বৰুৱা সহ আন আন বিয়াগোম লোকৰ মাটি কিয় উচ্ছেদ কৰা নাই তেওঁলোকৰ বাবে আইন খন সুকীয়া নেকি ৷ আগন্তুক নিৰ্বাচনত বিজেপি চৰকাৰক যোগ্য প্ৰত্যুত্তৰ দিয়া হ’ব বুলি সকীয়নি দিয়ে একাংশ মহিলাই ৷
By
By
