ৰাহুল গান্ধী এটা ক্ৰেকপট সম্পূৰ্ণ পাগল মানুহ এটা 

শনিবাৰে যোৰহাটত বিজেপি প্ৰাৰ্থী হিতেন্দ্ৰ নাথ গোস্বামীৰ হৈ নিৰ্বাচনী প্ৰচাৰ চলাই মুখ্যমন্ত্ৰীগৰাকীয়ে । ডচ কোম্পানী চাৰিআলিৰ পৰা গড়আলি হৈ বৰুৱা চাৰিআলিলৈ এক বৃহৎ ৰ’ড শ্ব সম্বোধন কৰে মুখ্যমন্ত্ৰীয়ে ।যোৰহাটত নিৰ্বাচনী প্ৰচাৰত মুখ্যমন্ত্ৰীয়ে আন কেইবাটাও বিষয়ত মন্তব্য কৰে । জুবিন গাৰ্গৰ ন্যায় প্ৰসংগত মুখ্যমন্ত্ৰীয়ে কয়, “জুবিন গাৰ্গৰ সৈতে যিয়ে ৰাজনীতি কৰে সেয়া পাপ । এতিয়া নিতৌ আদালতৰ শুনানি চলি আছে । ১০ দিনৰ ভিতৰত ইতিবাচক ৰায় পাবলৈ সক্ষম হ’ম । শীঘ্ৰে চাৰ্জ ফ্ৰেম হ’বলৈ গৈ আছে । তেওঁলোকে (কংগ্ৰেছ) কৈছে ৩ মাহত ন্যায় দিব । মোৰ ন্যায় তাতকৈ আগতে হৈ যাব । জুবিনে জীয়াই থাকোতে কি কৈছিল ‘পলিটিক্স নকৰিবা বন্ধু’ । গৌৰৱ গগৈক গানটো শুনাই দিব লাগে ।”ৰাহুল গান্ধী এটা পগলা মানুহ । ৰাহুল গান্ধী এটা ক্ৰেকপট । কেতিয়াবা দাড়ি ৰাখে কেতিয়াবা কাটে, কেতিয়াবা ডাঙৰ ছাৰ্ট পিন্ধে কেতিয়াবা টি-ছাৰ্ট পিন্ধে । সম্পূৰ্ণ পাগল মানুহ এটা ।” যোৰহাটত নিৰ্বাচনী প্ৰচাৰৰ মাজত এই বিস্ফোৰক মন্তব্য অসমৰ মুখ্যমন্ত্ৰী হিমন্ত বিশ্ব শৰ্মাৰ । প্ৰদেশ কংগ্ৰেছৰ সভাপতি তথা সাংসদ গৌৰৱ গগৈৰ সমষ্টিত নিৰ্বাচনী প্ৰচাৰ চলাই এনেদৰে কংগ্ৰেছ নেতা ৰাহুল গান্ধীৰ বিৰুদ্ধে সৰৱ হৈ পৰে মুখ্যমন্ত্ৰীগৰাকী ।