ধবাৰে অসম লোকসেৱা আয়োগৰ সংযুক্ত প্ৰতিযোগিতামূলক পৰীক্ষাত উত্তীৰ্ণ প্ৰাৰ্থীসকলক নিযুক্তিপত্ৰ প্ৰদান কৰে মুখ্যমন্ত্ৰী হিমন্ত বিশ্ব শৰ্মাই। মুখ্যমন্ত্ৰীয়ে কয়, ‘‘বিগত পাঁচ বছৰত ৰাজ্য চৰকাৰৰ দ্বাৰা ১লাখ ৬০ হাজাৰ নিযুক্তি হ’ল।
এখনো বাতৰি কাকত বা সামাজিক মাধ্যমত নেতিবাচক বাতৰি প্ৰকাশ হোৱা নাই ।তেওঁ লগতে কয় ACS-APS হোৱাই নহয়, আমি UPSCত উত্তীৰ্ণ হ’ব পৰাকৈ নিজকে সাজু কৰিব লাগিব। কিছুমানক এনেকুৱা স্থানত নিযুক্তি দিব লাগে যাতে UPSCৰ বাবে প্ৰস্তুতি চলাব পাৰে।’’প্ৰাৰ্থীৰ নাম, ফটো ক’চিং চেণ্টাৰসমূহে বিজ্ঞাপনত ব্যৱহাৰ কৰাক লৈ সৰব হৈ পৰে মুখ্যমন্ত্ৰী হিমন্ত বিশ্ব শৰ্মা। এই সন্দৰ্ভত তেওঁ কয়, ‘‘ক’চিং চেণ্টাৰত শিক্ষাৰ্থীক যি পঢ়ুৱাই তাৰ ওলোটা প্ৰশ্নকাকত কাটিব লাগে APSCয়ে। ক’চিং চেণ্টাৰসমূহে ভাটৌৰ দৰে কেইটামান কথা শিকাই দিয়ে তাৰ পাছত বিজ্ঞাপন দিয়ে। তেওঁলোকে প্ৰাৰ্থীসকলৰ মূৰত সুমুৱাই দিয়ে যে ক’চিং চেণ্টাৰৰ বাবেহে আমি এই পৰ্যায় পাইছোঁ।’’ এসপ্তাহৰ ভিতৰত অসামৰিক সেৱাৰ ক’চিং চেণ্টাৰৰ বিজ্ঞাপন আঁতৰাবলৈ নিৰ্দেশ মুখ্যমন্ত্ৰীৰ। উত্তীৰ্ণ প্ৰাৰ্থীসকলকো অতি সোনকালে বিজ্ঞাপনৰ পৰা ফটো আঁতৰাবলৈ নিৰ্দেশ মুখ্যমন্ত্ৰীৰ।
By
By
