সৰুপথাৰ সমজিলাৰ বৰপথাৰৰ ১০ নং ৱাৰ্ডত বিশ্বকৰ্মা পূজাৰ দিনটোতে চাঞ্চল্যকৰ ঘটনা সংঘটিত হৈছে। ১০ নং ৱাৰ্ডৰ এগৰাকী ব্যক্তিয়ে দুগৰাকী কৈ মহিলাক দাৰে ঘপিয়াই হত্যাৰ চেষ্টা চলায়।
অজিত ৰাজপুত নামৰ ব্যক্তিজনে মমতা দে’ আৰু তেওৰ জীয়ৰী প্ৰিয়ংকা দে’ক মূৰত আৰু হাতত দাৰে ঘপিয়াই হত্যাৰ চেষ্টা কৰে।
উল্লেখযোগ্য যে, অজিত ৰাজপুতে সদায়ে পৰিয়ালটোক কাটিম বুলি ভাবুকি দি থাকে। বুধবাৰে দিনৰ ২ মান বজাত শুই থকা অৱস্থাত দৰ্জা ঠেলি গৈ মাক-জীয়েকক ঘপিয়াই গুৰুত্বৰভাৱে আঘাতপ্ৰাপ্ত কৰে৷
গুৰুতৰভাৱে আহত মাতৃ আৰু কন্যাক সংকটজনক অৱস্থাত সৰুপথাৰৰ অসামৰিক চিকিৎসালয়ত ভৰ্তি কৰোৱা হয়। চিকিৎসালয়ত জীৱন-মৃত্যুৰ সৈতে যুঁজিছে দুই মহিলাই।
উল্লেখযোগ্য যে, ঘটনা সংঘটিত কৰি হাতত দা লৈ অভিযুক্ত অজিত ৰাজপুত পলায়ন কৰে। ঘটনাস্থলীত বৰপথাৰ আৰক্ষী উপস্থিত হৈ ঘটনাৰ অনুসন্ধান চলাই দাখন উদ্ধাৰ কৰাৰ লগতে সন্ধিয়া অভিযুক্ত অজিত ৰাজপুতক কৰায়ত্ত কৰে।
By
By
