ইউ এছ টি এমে পুনৰ লাভ কৰিলে ‘ইউনিভাৰ্চিটি অৱ দ্য ইয়েৰ ২০২৫ সন্মান

প্ৰেছ বিজ্ঞপ্তি
ইউ এছ টি এমে পুনৰ লাভ কৰিলে ‘ইউনিভাৰ্চিটি অৱ দ্য ইয়েৰ ২০২৫ সন্মান

Ri-Bhoi, Meghalaya, January 16, 2026 : ইউনিভাৰ্চিটি অৱ চাইন্স এণ্ড টেকন’লজি মেঘালয় (ইউএছটিএম)য়ে Academic Insightৰ উদ্যোগত বেংগালুৰুত অনুষ্ঠিত Education Excellence Awards and Summit Ceremonyত Prestigious Excellence Award – ‘University of the Year 2025’ সন্মান লাভ কৰে। উল্লেখ্য যে এই সন্মান ইউএছটিএমে দ্বিতীয়বাৰৰ বাবে লাভ কৰিছে।

ৰাষ্ট্ৰীয় পৰ্যায়ৰ এই অনুষ্ঠানত দেশৰ বিভিন্ন শৈক্ষিক প্ৰতিষ্ঠানৰ পৰা প্ৰায় ২০০ গৰাকী বিশিষ্ট শিক্ষাবিদ, একাডেমিচিয়ান, নীতি নিৰ্ধাৰক আৰু শিক্ষাক্ষেত্ৰৰ নেতৃবৃন্দেই অংশগ্ৰহণ কৰে। এই সন্মানে ইউএছটিএমৰ শৈক্ষিক যাত্ৰাত এক গুৰুত্বপূৰ্ণ মাইলষ্টন হিচাপে পৰিগণিত হৈছে।
এই সন্মানটো যৌথভাৱে গ্ৰহণ কৰে ইউএছটিএমৰ মাননীয় চেঞ্চেলৰ শ্ৰী মহবুবুল হক আৰু উপাচাৰ্য প্ৰফেছৰ জি. ডি. শৰ্মায়ে। উল্লেখযোগ্য যে, ২০২৪ চনত একে সন্মান লাভ কৰাৰ পিছত পুনৰ এইবাৰ ইউএছটিএমে এই উৎকৃষ্টতা সন্মানত ভূষিত হৈছে, যিয়ে বিশ্ববিদ্যালয়খনৰ ধাৰাবাহিক শৈক্ষিক উৎকৰ্ষ আৰু প্ৰতিষ্ঠানিক বিশ্বাসযোগ্যতা প্ৰতিফলিত কৰে।

ইউএছটিএমক এক বিশিষ্ট বিশ্ববিদ্যালয় হিচাপে স্বীকৃতি দিয়াৰ ক্ষেত্ৰত বিজ্ঞান, প্ৰযুক্তি আৰু বহুবিষয়ক শিক্ষাত উচ্চমানৰ শিক্ষাৰ গুণগত মান গুৰুত্বসহ বিবেচনা কৰা হয়। ইয়াৰ উপৰিও কৃত্ৰিম বুদ্ধিমত্তা (AI), প্ৰযুক্তি, উন্নয়ন, স্বাস্থ্যসেৱা শিক্ষা, গৱেষণা প্ৰকল্প, পেটেণ্ট, গৱেষণা প্ৰকাশনা আৰু উদ্ভাৱনমূলক প্ৰভাৱ আদিক বিশেষভাৱে মূল্যায়ন কৰা হয়। এই বঁটাৰ বাবে গঠন হোৱা বিশেষ জুৰিয়ে ইউএছটিএমৰ শক্তিশালী শিল্প–শিক্ষা অংশীদাৰিত্ব, যিয়ে ছাত্ৰ-ছাত্ৰীৰ প্ৰকল্প, ইন্টাৰ্নশ্বিপ আৰু নিযুক্তিৰ ক্ষেত্ৰত গুৰুত্বপূৰ্ণ ভূমিকা পালন কৰিছে, তাকো স্বীকৃতি প্ৰদান কৰে। ইয়াৰ লগতে বিশ্ববিদ্যালয়খনৰ আঞ্চলিক উন্নয়নত আগবঢ়োৱা অৱদান আৰু প্ৰাক্তন শিক্ষাৰ্থীৰ উল্লেখযোগ্য সাফল্যসমূহে ইউএছটিএমৰ দৃষ্টিভংগী আৰু লক্ষ্যক অধিক শক্তিশালী কৰি তোলে।

উত্তৰ-পূৰ্বাঞ্চলত শিক্ষাগত সমতা প্ৰচাৰ, লগতে বিশ্বমানৰ দক্ষতা আৰু অন্তৰ্ভুক্তিমূলক বিকাশৰ লক্ষ্যত ইউএছটিএমৰ অবিচল প্ৰতিশ্ৰুতি এই স্বীকৃতি লাভৰ এক মুখ্য কাৰণ হিচাপে চিহ্নিত হৈছে।
এই উপলক্ষে বিশ্ববিদ্যালয়ৰ নেতৃত্বই শিক্ষাৰ উৎকৰ্ষ, গৱেষণা আৰু উদ্ভাৱন, তথা সমাজ ৰূপান্তৰৰ প্ৰতি ইউএছটিএমৰ অটল প্ৰতিশ্ৰুতি পুনৰ দৃঢ় কৰে আৰু ভৱিষ্যৎ-উপযোগী দক্ষতাৰে ছাত্ৰ-ছাত্ৰীক সক্ষম কৰি তোলাৰ ওপৰত গুৰুত্ব আৰোপ কৰে।

২০১১ চনত প্ৰতিষ্ঠিত ইউনিভাৰ্চিটি অৱ চাইন্স এণ্ড টেকন’লজি মেঘালয় (ইউএছটিএম) হৈছে উত্তৰ-পূৰ্ব ভাৰতৰ বিজ্ঞান আৰু প্ৰযুক্তি ক্ষেত্ৰত প্ৰথমখন ৰাজ্যিক ব্যক্তিগত বিশ্ববিদ্যালয়। বিশ্ববিদ্যালয়খনক ২০২১ চনত NAACৰ প্ৰথম মূল্যায়ন চক্ৰত ‘A গ্ৰেড’ প্ৰদান কৰা হৈছে। ইউএছটিএম শিক্ষাদান, গৱেষণা, উদ্ভাৱন আৰু সমাজমুখী কৰ্মত উৎকৰ্ষ সাধন কৰাৰ লগতে অন্তৰ্ভুক্তি, টেকসই উন্নয়ন আৰু আঞ্চলিক অগ্ৰগতিৰ প্ৰতি প্ৰতিশ্ৰুতিবদ্ধ।