
ৰঙিয়াত আৰক্ষীৰ ড্ৰাগছ বিৰোধী অভিযান। বৃহৎ পৰিমাণৰ ড্ৰাগছসহ আটক হৈছে দুই সৰবৰাহকাৰী।
ৰঙিয়া আৰক্ষীৰ অভিযানত বৃহৎ পৰিমাণৰ ড্ৰাগছসহ আটক দুই সৰবৰাহকাৰী। ৰঙিয়া নগৰৰ বাৰ্মিজ খেলপথাৰৰ সমীপত গোপন সূত্ৰৰ পম খেদি আৰক্ষীয়ে চলোৱা অভিযানত যোৱা নিশা ড্ৰাগছসহ আটক হয় দুই সৰবৰাহকাৰী।
ধৃত সৰবৰাহকাৰী দুজন ৰঙিয়া মুৰাৰাৰ চফিকুল আলী আৰু পূব সাহানৰ বিটু আলী।
ধৃত সৰবৰাহকাৰী দুজনৰ পৰা ২৩টাকৈ প্লাষ্টিকৰ কন্টেইনাৰসহ ৪ গ্ৰাম ড্ৰাগছ উদ্ধাৰ কৰিবলৈ সক্ষম হয় আৰক্ষীয়ে।
সম্প্ৰতি অধিক তথ্যৰ বাবে ধৃত সৰবৰাহকাৰীদ্বয়ক জেৰা অব্যাহত ৰাখিছে আৰক্ষীয়ে।












