• Home
  • অসম
  • গুৱাহাটীত উপস্থিত ভাৰত আৰু দক্ষিণ আফ্রিকাৰ ক্রিকেট দল
Image

গুৱাহাটীত উপস্থিত ভাৰত আৰু দক্ষিণ আফ্রিকাৰ ক্রিকেট দল

গুৱাহাটীত উপস্থিত ভাৰত আৰু দক্ষিণ আফ্রিকাৰ ক্রিকেট দল

কলকাতাৰ ঐতিহাসিক ইডেনৰ পৰাজয়ৰ পাছত বৰ্ষাপাৰাত জয়ৰ লক্ষৰে বুধবাৰে বিয়লী গুৱাহাটীত আহি উপস্থিত হয় ভাৰতীয় ক্রিকেট দল ৷ একেদৰে গুৱাহাটীত উপস্থিত হয় দক্ষিণ আফ্রিকাৰ ক্রিকেট দলটোও ৷ দুয়োটা দলৰ খেলুৱৈ সকল লোকপ্ৰিয় গোপীনাথ বৰদলৈ আন্তৰাষ্ট্ৰীয় বিমানকোঠ অৱতৰণ কৰাৰ পিছতে পোনে পোনে ৰাওনা হয় ৰেডিচন ব্লু’ হোটেললৈ ৷ বৃহস্পতিবাৰৰ পৰা দুয়োটা দলৰ খেলুৱৈ নেট অনুশীলন কৰিব বৰ্ষাপাৰা ষ্টেডিয়ামত ৷

উল্লেখ্য যে অত্যধিক স্পীন সহায়ক উইকেট প্রস্তুত কৰোৱাৰ কৌশল কলকাতাৰ ইডেন গার্ডেনত বুমেৰাবাং হৈছিল ভাৰতৰ। ইয়াৰ পাছত এতিয়া সকলোৰে দৃষ্টি নিবদ্ধ হৈছে বিচিচিআইৰ সচিব দেৱজিত শইকীয়াৰ গৃহভুমিত। কিয়নে ভাৰত আৰু দক্ষিণ আফ্ৰিকাৰ শৃংখলাৰ দ্বিতীয় তথা অন্তিম টেষ্ট অহা শনিবাৰৰ পৰা মহানগৰীৰ বর্ষাপাৰাস্থিত অসম ক্রিকেট সন্থাৰ ষ্টেডিয়ামত অনুষ্ঠিত হ’ব।

প্রথমবাৰলৈ গুৱাহাটীত কোনো টেষ্ট মেচ অনুষ্ঠিত হ’ব। কলকাতৰ স্পীন সহায়ক উইকেট প্ৰস্তুত কৰা হৈছিল ভাৰতীয় দলৰ মুখ্য পশিক্ষক গৌতম গম্ভীৰৰ নিৰ্দেশত বর্ষাপাৰাতো গম্ভীৰে একেই নির্দেশ দিছে বুলিও প্রশ্ন উত্থাপন হৈছে এই প্রসংগত বিচিচিআইৰ এজন কর্মকর্তাই I

এক সর্বভাৰতীয় সংবাদ মাধ্যমক কয়, ‘পীটছ প্ৰস্তুতত ৰঙা মাটি ব্যৱহাৰ কৰ হেছে। এই ধৰণৰ মাটিৰে পীটছ প্রস্তুত কৰিলে সততে বেগী বলাৰৰ সহায়ক হয়। ভাল গতি আৰু বাউন্স থাকে। দেশৰ মাটিত ছিজন আৰম্ভ হোৱাৰ পূৰ্বেই ভাৰতীয় দলৰ তৰফৰ পৰা জনাই দিয়া হৈছিল কেনে পীটছ পছন্দ। সেই অনুসৰি বল ঘূৰিবও পাৰে; কিন্তু গতি আৰু বাউন্স ভালেই থাকি। পীটছৰ কোনো অংশত যাতে অসমান বাউন্স নাথাকে, সেয়া নিশ্চিত কৰাৰ চেষ্টা কৰিছে কিউৰেটৰে।’

উল্লেখ্য যে বিচিচিআইৰ প্রধান কিউৰেটৰ আশিস ভৌমিক আৰু ব’র্ড সচিব শইকীয়া গুৱাহাটীৰ বাসিন্দা। সেয়ে তেওঁলোকৰ কথা ভাবিও সতর্ক হৈছে অসম ক্রিকেট সন্থা। প্রশিক্ষক গম্ভীৰৰ দাবীক গুৰুত্ব দিলেও ঐতিহাসিক টেষ্টখনৰ বাবে বিতর্কহীন উইকেট প্রস্তুত কৰাকে অগ্ৰাধিকাৰ দিয়া হৈছে।

ইপিনে, গুৱাহাটী টেষ্টৰ বাবে এতিয়াও অনিশ্চিত হৈ আছে ভাৰতৰ অধিনায়ক শুভমন গিল। ডিঙিৰ পাছফালৰ অঘাতৰ পৰা তেওঁ সম্পূর্ণৰূপে মুক্ত হোৱা নাই। হাস্পতালৰ পৰা মুকলি হোৱাৰ পাছত শুভমন সম্প্রতি দলৰ স’তে বলকাতাব হোটেলতে আছে। যদিও এতিয়াও তেওঁ বিমান যাত্ৰাৰ অনুমতি পোৱা নাই। শুভমন দলৰ স’তে গুৱাহাটীলৈ নাহে। পৰৱৰ্তী দুই-তিনি আঘাত নিৰীক্ষণ কৰাৰ পাছতহে শুভমনে খেলা বা নেখেলাৰ সন্দৰ্ভত ব’ৰ্ডৰ চিকিৎসকে সিদ্ধান্ত দিব। সেই দিশৰ পৰা শুভমনে খেলাৰ সম্ভাৱনা অতি কম বুলিয়ে ব’র্ডৰ সূত্রই জনাইছে।

Releated Posts

সাৱধান আহি আছে ঘূৰ্ণী দিটৱাহ

সাৱধান আহি আছে ঘূৰ্ণী দিটৱাহ আগন্তুক ৪৮ঘন্টাত বতৰে দেখা দিব কালৰূপ। দক্ষিণ ভাৰতত প্ৰৱল বৃষ্টিপাত। আনহাতে শ্ৰীলংকাত সামুদ্ৰিক…

ByByMahesh MalakarNov 28, 2025

বিধানসভাৰ অধ্যক্ষ নিৰপেক্ষ হ’ব লাগেঃ অখিল গগৈ

শীঘ্ৰেই অসম বিধানসভাত স্থাপন হ’ব ডিটেনশ্যন কোঠা। সদনত প্ৰশ্নোত্তৰ ঘণ্টাত হুলস্থূল কৰি অখিল গগৈ নিলম্বিত হোৱাৰ পাছতে ডিটেনশ্যন…

ByByMahesh MalakarNov 28, 2025

আজি মুকলি হ’ব ৰাজ্য চৰকাৰৰ প্ৰেৰণা আঁচনি

আজি মুকলি হ’ব ৰাজ্য চৰকাৰৰ প্ৰেৰণা আঁচনি। শ্ৰীমন্ত শংকৰদেৱ কলাক্ষেত্ৰত মুকলি হ’ব ‘প্ৰেৰণা’ শীৰ্ষক অভিলাষী আঁচনি। মুখ্যমন্ত্ৰী হিমন্ত…

ByByMahesh MalakarNov 28, 2025

অবৈধভাৱে ভাৰতত প্ৰৱেশ কৰা চাৰি বাংলাদেশী যুৱতীক গোলকগঞ্জত বিতাৰণ

ভাৰত- বাংলাদেশ সীমান্তৱৰ্তী গোলোকগঞ্জ সহ আন আন সীমান্তৰ সুৰক্ষাৰ দায়িত্ব থকা বিএছএফ দায়িত্বহীনতাৰ বাবে সীমান্তৰ সিপাৰৰ পৰা জাকে…

ByByMahesh MalakarNov 27, 2025
Scroll to Top