কংগ্ৰেছৰ গেৰাণ্টিবোৰ কপি-পেষ্ট, কোনো নতুনত্ব নাই, নৈতিকতা নাই কংগ্ৰেছ দলৰ : পীযুষ হাজৰিকা

বাজপেয়ী ভৱনত মন্ত্ৰী পীযুষ হাজৰিকাৰ সংবাদমেল সম্বোধন কৰে। বিৰোধী দলক চোকা সমালোচনা কৰি সংবাদমেলত বিজেপি চৰকাৰৰ সফলতাৰ খতিয়ান দাঙি ধৰে মন্ত্ৰীগৰাকীয়ে।‘‘১ লাখ ৬৫ হাজাৰ নিবনুৱা যুৱক-যুৱতীয়ে চাকৰি পালে যোৱা ৫ বছৰত। এয়া আমাৰ বাবে ডাঙৰ প্ৰাপ্তিI আমি প্ৰতিশ্ৰুতি দিছিলো ১ লাখ চাকৰি দিয়াৰহে। কংগ্ৰেছৰ দিনৰ চাকৰিৰ বজাৰ আমি বন্ধ কৰি দিবলৈ সক্ষম হ’লো। পিতৃ-মাতৃয়ে ACS/APS কি বুজি নোপোৱা ঘৰৰ ল’ৰা-ছোৱালীয়ে আজিকালি APSCৰ চাকৰি পায়। যোৱা ৫ বছৰত অসম চৰকাৰৰ কোনো এগৰাকী মন্ত্ৰীৰ ঘৰৰ ল’ৰা-ছোৱালীয়ে APSCত চাকৰি পোৱা নাইI এইবাৰ চৰকাৰ আহিলে আমি ২ লাখ চাকৰি দিমI সুবিধা হ’লে ২.৫০ লাখ পাৰ হৈ যাব।’’লগতে মন্ত্ৰীগৰাকীয়ে কয়, ‘‘চৰকাৰী চাকৰি দি নিবনুৱা সমস্যা সমাধান কৰিব নোৱাৰি। উদ্যোগীকৰণৰ দ্বাৰা নিৱনুৱা সমস্যা সমাধান কৰিব লাগিব। ১ লাখ নিবনুৱাক CMAAAৰ যোগেদি ২ লাখকৈ টকা দিছিলোঁ। ১০ লাখ নিৱনুৱাক CMAAAৰ যোগেদি ৫ লাখকৈ টকা দিম। নিবনুৱাক সহায় কৰাটোৱে হ’ব আগন্তুক বিজেপি চৰকাৰৰ মূল মন্ত্ৰ। ছেমি কণ্ডাক্টৰত ২৯ হাজাৰ যুৱক-যুৱতীয়ে চাকৰি পাব। ইতিমধ্যে ৪ হাজাৰে নিৰ্মাণ ব্যৱস্থাত কাম কৰি আছে।’জেন গোহাঁই সন্দৰ্ভত মন্ত্ৰীগৰাকীয়ে কয়, ‘‘ৰাজেন গোঁহায়ে ভগৱানৰ নাম লোৱা উচিত। এই বয়সত আৰু নিৰ্বাচন খেলিব নালাগে। ডেকা ল’ৰাবোৰক নিৰ্বাচন খেলিবলৈ আশীৰ্বাদ দিব লাগে।’