বিটিচি নিৰ্বাচনলৈ মাজত মাথোঁ তিনিটা দিন বাকী থকাৰ মুহূৰ্ততে বিটিআৰত পুনৰ নিৰ্বাচনী হিংসাৰ ঘটনা। এইবাৰ ননৈ চেৰফাং পৰিষদীয় সমষ্টিৰ টেংকিবস্তিত বিজেপি কৰ্মীক আক্ৰমণ।
বৃহস্পতিবাৰে মুখ্যমন্ত্ৰী হিমন্ত বিশ্ব শৰ্মাই ওদালগুৰিৰ তিনিটাকৈ সমষ্টিত নিৰ্বাচনী প্ৰচাৰ আৰু ৰোড শ্ব’ত অংশগ্ৰহণ কৰা সময়তেই ননৈ চেৰফাঙত সংঘটিত হয় নিৰ্বাচনী হিংসা। UPPLৰ কৰ্মীয়ে বিজেপিৰ কৰ্মীক আক্ৰমণ চলোৱাৰ অভিযোগ।
অভিযোগ অনুসৰি পৰিকল্পিতভাৱে আক্ৰমণ চলাইছিল UPPL কৰ্মীয়ে, হাতে-হাতে ৰ’ড, লাঠি, শিলগুটি লৈ আগছি ধৰিছিল বিজেপি কৰ্মীৰ বাহন।
বিজেপি কৰ্মীৰ বাহন ক্ষতিগ্ৰস্ত কৰাৰ উপৰিও এগৰাকী মহিলাক আক্ৰমণ কৰিবলৈ চোঁচা লৈছিল প্ৰায় ১০-১৫ জনীয়া উদণ্ড যুৱকৰ দলে।
বিজেপিৰ প্ৰাৰ্থী সঞ্জিৎ তাঁতীৰ হৈ নিৰ্বাচনী প্ৰচাৰ চলাবলৈ যোৱা অৰ্জুন চেত্ৰীৰ AS ০১ EB ৩৫০৪ নম্বৰৰ আৰ্টিকা বাহনখন ভাঙি চুড়মাৰ কৰে।
ননৈ চেৰফাং পৰিষদীয় সমষ্টিৰ ডিমাকুছি আৰক্ষী থানাৰ অন্তৰ্গত টেংকিবস্তিত সংঘটিত হয় এই ঘটনা।
ইতিমধ্যে নিশাই ৮ গৰাকী ব্যক্তিৰ বিৰুদ্ধে ডিমাকুছি আৰক্ষী থানাত এজাহাৰ দাখিল কৰে বিজেপি কৰ্মীয়ে।
By
By
