বি পি এফৰ ১১ জনীয়া প্ৰাৰ্থী তালিকা ঘোষণা

ঘোষণা হ’ল বি পি এফৰ প্ৰাৰ্থী তালিকা ৷ বৃহস্পতিবাৰে নিশা কোকৰাঝাৰস্থিত বি পি এফ কাৰ্যালয়ত অনুষ্ঠিত সংবাদমেলত বি পি এফ প্ৰধান হাগ্ৰামা মহিলাৰীয়ে ১১ জনীয়া প্ৰাৰ্থী তালিকা ঘোষণা কৰে ৷

“প্ৰমীলা ৰাণী বাইদেউক টিকট দিব পৰা হ’লে ভাল আছিল ৷ লগতে বহু জ্যেষ্ঠ নেতাক টিকটৰ পৰা বঞ্চিত কৰা হ’ল” বুলি উল্লেখ কৰি সংবাদমাধ্যমৰ সন্মুখত হাগ্ৰামা মহিলাৰীয়ে কয়, “গোসাঁইগাঁও বিধানসভা সমষ্টিৰ বাবে প্ৰাক্তন কাৰ্যবাহী সদস্য শোভাৰাম বসুমতাৰীক প্ৰাৰ্থী হিচাপে প্ৰক্ষেপ কৰা হৈছে ৷দোতমা সমষ্টিত বিধায়ক তথা কাৰ্যবাহী সদস্য ৰবিৰাম নাৰ্জাৰী, কোকৰাঝাৰ সমষ্টিত শিউলী মহিলাৰী, বাওখুংগ্ৰী সমষ্টিত যুৱনেতা ৰূপম ৰায়, পৰ্বতঝোৰা সমষ্টিত ডঃ ৰেজাউল কৰিম, ছিদলী-ছিৰাং( জনজাতি) সমষ্টিত কাৰ্যবাহী সদস্য পানীৰাম ব্ৰহ্ম, মানাহ সমষ্টিত থানেশ্বৰ বসুমতাৰী, বাক্সা (জনজাতি) সমষ্টিত বি পি এফৰ সাধাৰণ সম্পাদক তথা প্ৰাক্তন বিধায়ক মনেশ্বৰ ব্ৰহ্ম, ভেৰগাঁও সমষ্টিত প্ৰাক্তন বিধায়ক মহেশ্বৰ বড়ো, ওদালগুৰি( জনজাতি) সমষ্টিত প্ৰাক্তন বিধায়ক তথা বি টি চিৰ উপ-মুখ্য কাৰ্যবাহী সদস্য ৰিহন দৈমাৰী, মাজবাটত পৰিবহন মন্ত্ৰী তথা পাৰিষদ চৰণ বড়োক প্ৰাৰ্থিত্ব দিয়া হৈছে ৷