অতুল দা বিজেপিত আছে আৰু থাকিব  :মুখ্যমন্ত্ৰী ড৹ হিমন্ত বিশ্ব শৰ্মা

দিছপুৰ সমষ্টিৰ টিকটৰ পৰা বঞ্চিত অতুল বৰাৰ বাসগৃহত উপস্থিত মুখ্যমন্ত্ৰী । মুখ্যমন্ত্ৰীগৰাকীক সংগ দিয়ে মন্ত্ৰী জয়ন্ত মল্লবৰুৱাই । মুখ্যমন্ত্ৰীগৰাকীয়ে অতুল বৰাৰ সৈতে বাৰ্তালাপৰ অন্তত মুখ্যমন্ত্ৰীগৰাকীয়ে সংবাদ মাধ্যমৰ আগত কয়, “মই অতুল দাক সাক্ষাৎ কৰিব আহিছিলো । দিছপুৰ সমষ্টিৰ পৰা টিকট নিশ্চিত আছিল, কিন্তু বিশেষ এটা ৰাজনৈতিক বিৱৰ্তনৰ কাৰণে বঞ্চিত হ’ল । অতুল বৰা আমাতকৈ ডাঙৰ । তেওঁ দুষাৰ ক’লে আমি শুনিবও লাগিব । যোৱা কালি জয়ন্ত মল্লবৰুৱা আহি উপস্থিত হৈছিল । আমাৰ কি অসুবিধা হৈছিল সেইখিনি জনাইছো । ময়ো আজি কথা বতৰা পাতিলো ।”আনহাতে, সংবাদ মাধ্যমৰ আগত অতুল বৰাই কয়, “মোৰ মীৰা বৰঠাকুৰৰ প্ৰতি মোৰ আশীৰ্বাদ আছেই । মই তিনিটা সিদ্ধান্তৰ কথা কৈছিলো । হয়, মই মীৰা বৰঠাকুৰক সমৰ্থন কৰিম, হয় মই নিৰ্দলীয় খেলিম আৰু নহ’লে মই মনে মনে থাকিম । অহা ২২ তাৰিখে সংবাদমেলৰ জৰিয়তে মোৰ স্থিতি স্পষ্ট কৰিম । আজি মুখ্যমন্ত্ৰী মোৰ ঘৰত আহিছে মই ভাল পাইছো ।”