বৃহস্পতিবাৰে নিশা ৰাষ্ট্ৰপতি দ্ৰৌপদী মুৰ্মুৱে কেইবাখনো ৰাজ্য আৰু কেন্দ্ৰীয় শাসিত অঞ্চলৰ ৰাজ্যপাল আৰু উপ ৰাজ্যপালৰ সাল-সলনি কৰে । চৰকাৰী অধিসূচনাযোগে ৰাষ্ট্ৰপতিয়ে নতুন নিযুক্তি আৰু বদলিৰ কথা ঘোষণা কৰে ।চৰকাৰী অধিসূচনা মতে, তৰণজিৎ সিং সন্ধুক দিল্লীৰ নতুন উপ ৰাজ্যপাল হিচাপে নিযুক্তি দিয়া হয় ।তামিলনাডুৰ ৰাজ্যপাল আৰ.এন. ৰবিক পশ্চিমবংগৰ নতুন ৰাজ্যপাল হিচাপে নিযুক্তি দিয়া হৈছে । তেওঁক চি.ভি. আনন্দ বসুৰ স্থানত নিয়োগ কৰা হয় ৷ বসুৰ পদত্যাগৰ পাছতে আৰ.এন. ৰবিক পশ্চিমবংগৰ নতুন ৰাজ্যপাল হিচাপে নিযুক্তি দিয়া হয় ৷কেৰালাৰ ৰাজ্যপাল ৰাজেন্দ্ৰ বিশ্বনাথ আৰ্লেকাৰক তামিলনাডুৰ অতিৰিক্ত দায়িত্বভাৰ অৰ্পন কৰা হয় ৷বিজেপিৰ জ্যেষ্ঠ নেতা তথা বিহাৰ বিধানসভাৰ প্ৰাক্তন অধ্যক্ষ নন্দ কিশোৰ যাদৱক নাগালেণ্ডৰ ৰাজ্যপাল হিচাপে নিযুক্তি দিয়া হৈছে । বৰ্তমান মণিপুৰৰ ৰাজ্যপাল অজয় কুমাৰ ভল্লাই নাগালেণ্ডৰ ৰাজ্যপালৰ অতিৰিক্ত দায়িত্ব অৰ্পণ কৰি আছে ।
- লাডাখৰ উপ-ৰাজ্যপাল কবিন্দৰ গুপ্তাক হিমাচল প্ৰদেশৰ ৰাজ্যপাল হিচাপে নিযুক্তি দিয়া হৈছে ।বিধানসভা নিৰ্বাচনৰ প্ৰাকক্ষণত পশ্চিমবংগৰ ৰাজ্যপাল চি ভি আনন্দ বসুৱে পদত্যাগ কৰে । বৃহস্পতিবাৰে সন্ধিয়া নতুন দিল্লীত ৰাজ্যপালগৰাকীয়ে পদত্যাগৰ কথা ঘোষণা কৰে ।
By
By
