চৌদি আৰৱত শোকাৱহ পথ দুৰ্ঘটনাত ৪২গৰাকী ভাৰতীয় হজযাত্ৰীৰ কৰুণ মৃত্যু

আজি পুৱতি নিশা চৌদি আৰৱত সংঘটিত এক শোকাৱহ পথ দুৰ্ঘটনাত কৰুণ মৃত্যুক সাবটি লয় ৪২গৰাকী ভাৰতীয় হজযাত্ৰীয়ে ৷

মক্কাৰ পৰা মদিনালৈ উমৰাহ হজযাত্রী লৈ যোৱা বাছ আৰু বিপৰীত ফালৰ পৰা অহা পেট্ৰল কঢ়িয়াই অনা অইল টেংকাৰৰ মুখামুখি সংঘর্ষত অগ্নিকাণ্ড সংঘটিত হৈ কৰুণ মৃত্যুক সাবটি লয় ২০ গৰাকী মহিলা আৰু ১১ গৰাকী শিশুসহ ৪২ জন ভাৰতীয় হজযাত্ৰীয়ে ৷ আনহাতে ভয়ংকৰ দুৰ্ঘটনাত আহত বহু কেই গৰাকীক ততাতৈয়াকৈ ভৰ্তি কৰা হয় চিকিৎসালয়ত । আনহাতে ঘটনাৰে পিছতে হায়দৰাবাদৰ ইমিগ্ৰেচন বিষয়াসকলে নিশ্চিত কৰিছে যে আটাইকেইজন ৪২ জন ভুক্তভোগী হাইদৰাবাদৰ।

বদৰ আৰু মদীনাৰ মাজৰ মুফ্ৰাহাথত সোমবাৰে পুৱতি নিশা প্ৰায় ১:৩০ বজাত সংঘটিত হয় এই দুৰ্ঘটনা। মথৰুভূমি নিউজে প্ৰকাশ কৰা অনুসৰি সেই সময়ত অধিকাংশ যাত্ৰী শুই আছিল, যাৰ ফলত এই শোকাৱহ পৰিস্থিতিৰ প্ৰভাৱ আৰু বেছি বেয়া হৈ পৰে।