অৰুণাচলৰ নামচাই জিলাৰ মহাদেৱপুৰত ভয়ংকৰ পথ দুৰ্ঘটনা, নিহত দুজন ।

নিশা নামচাই জিলাৰ মহাদেৱপুৰত এক ভয়ংকৰ পথ দুৰ্ঘটনাত দুজন লোক নিহত হয় ৷
মৰাণ চিতপানী গাঁৱৰ ফুলেশ্বৰ নেওগৰ পুত্ৰ বিৰু নেওগ নামৰ লোকজন AS23W9512নম্বৰৰ আৰ টি আৰ আপাচী বাইকত মহাদেৱপুৰ দিশৰ পৰা আৰু নৱ কুমাৰ দেউৰীৰ পুত্ৰ ৰোহিত দেউৰী নামৰ লোকজনে এখন RX100বাইকেৰে মহাদেৱপুৰ অভিমুখে গৈ থাঁকোতে জিৰ’ পইন্টৰ সমীপত মুখামুখি সংঘৰ্ষৰ ফলত সংঘটিত হয় পথ দুৰ্ঘটনাটো ৷ প্ৰত্যক্ষদৰ্শীয়ে অতি সংকটজনক অৱস্থাত দুয়োজনক মহাদেৱপুৰ চিকিৎসালয়ত ভৰ্তি কৰাই যদিও লগে লগেই উন্নত চিকিৎসাৰ বাবে অসম মেডিকেল কলেজলৈ প্ৰেৰণ কৰে ৷ কিন্তু দুয়োৰে অৱস্থা অতি সংকটজনক হোৱাৰ বাবেই মৃত্যুক আঁকোৱালি লয় দুয়োৱে ৷