উত্তৰ-পূৰ্বাঞ্চলৰ UG আৰু PG শিক্ষাৰ্থীৰ বাবে USTM-এ উদ্ধোধন কৰিলে মেগা গ্ৰীষ্ম ইণ্টাৰ্নশ্বিপ প্ৰগ্ৰামRi-Bhoi,

উত্তৰ-পূৰ্বাঞ্চলৰ UG আৰু PG শিক্ষাৰ্থীৰ বাবে USTM-এ উদ্ধোধন কৰিলে মেগা গ্ৰীষ্ম ইণ্টাৰ্নশ্বিপ প্ৰগ্ৰামRi-Bhoi, Meghalaya | 13th May 2026: ইউনিভাৰ্চিটি অৱ চাইন্স এণ্ড টেকন’লজি মেঘালয় (USTM)-এ আজি কেন্দ্ৰীয় প্ৰেক্ষাগৃহত “USTM Mega Summer Internship Programme 2026 (UMSIP-2026)” আনুষ্ঠানিকভাৱে উদ্বোধন কৰে। এই বিশেষ পদক্ষেপৰ জৰিয়তে উত্তৰ-পূৰ্বাঞ্চলৰ স্নাতক (UG) আৰু স্নাতকোত্তৰ (PG) শিক্ষাৰ্থীসকলৰ মাজত একাডেমিক অভিজ্ঞতা, ব্যৱহাৰিক শিক্ষণ আৰু গৱেষণামুখী চিন্তাধাৰা অধিক শক্তিশালী কৰাৰ লক্ষ্য গ্ৰহণ কৰা হৈছে।ইউনিভাৰ্চিটি অৱ চাইন্স এণ্ড টেকন’লজি মেঘালয়ৰ উদ্যোগত আৰু IQAC, USTM-ৰ সহযোগত আয়োজিত এই কাৰ্যসূচীয়ে শিক্ষাৰ্থীসকলক অভিজ্ঞ অধ্যাপক আৰু বিভিন্ন ক্ষেত্ৰৰ বিশেষজ্ঞসকলৰ তত্বাৱধানত হাতে-কলমে শিক্ষণ, উদ্যোগিক অভিজ্ঞতা আৰু আন্তঃবিভাগীয় জ্ঞান আহৰণৰ এক বিশেষ সুযোগ প্ৰদান কৰিব।অনুষ্ঠানত ভাষণ প্ৰদান কৰি বিশ্ববিদ্যালয়ৰ বিষয়ববীয়াসকলে কয় যে, এই ইণ্টাৰ্নশ্বিপ প্ৰগ্ৰামটো পাঠ্যক্ৰমভিত্তিক শিক্ষাৰ সৈতে বাস্তৱমুখী অভিজ্ঞতাৰ মাজৰ ব্যৱধান দূৰ কৰাৰ লক্ষ্যৰে পৰিকল্পনা কৰা হৈছে। ইয়াৰ অন্তৰ্গত থাকিব গৱেষণা প্ৰকল্প, লেবৰেটৰী প্ৰশিক্ষণ, উদ্ভাৱনমূলক কাৰ্যকলাপ আৰু দক্ষতা বিকাশমূলক অধিবেশন।শিক্ষাগত উৎকৰ্ষতা আৰু উদ্ভাৱনী পৰিৱেশৰ বাবে পৰিচিত USTM-এ শেহতীয়াকৈ NIRF India Ranking 2025-ত (151–200 শ্ৰেণী) স্থান লাভ কৰাৰ লগতে NAAC-ৰ ‘A’ গ্ৰেড স্বীকৃতিও বজাই ৰাখিছে। বিশ্ববিদ্যালয় কৰ্তৃপক্ষই উল্লেখ কৰে যে, এই মেগা সামাৰ ইণ্টাৰ্নশ্বিপ প্ৰগ্ৰাম USTM-ৰ সেই দৃষ্টিভংগীৰ অংশ, যাৰ লক্ষ্য হৈছে উত্তৰ-পূৰ্বাঞ্চলৰ শিক্ষাৰ্থীসকলক ভৱিষ্যতমুখী পেছাদাৰী আৰু গৱেষক হিচাপে গঢ়ি তোলা।বিজ্ঞান, প্ৰযুক্তিবিদ্যা, ইঞ্জিনিয়াৰিং, ব্যৱস্থাপনা, মানৱিক বিজ্ঞান আৰু অন্যান্য সংলগ্ন বিষয়ৰ শিক্ষাৰ্থীসকল এই কাৰ্যসূচীত অংশগ্ৰহণ কৰিব বুলি আশা প্ৰকাশ কৰা হৈছে। এই উদ্যোগৰ জৰিয়তে অংশগ্ৰহণকাৰীসকলে USTM-ৰ অত্যাধুনিক লেবৰেটৰী, গৱেষণা সুবিধা, মেন্টৰশ্বিপ আৰু সহযোগিতামূলক একাডেমিক পৰিৱেশৰ সৈতে পৰিচিত হোৱাৰ সুযোগ লাভ কৰিব।প্ৰেছ বিজ্ঞপ্তিৰ বাবে:USTM মেগা সামাৰ ইণ্টাৰ্নশ্বিপ প্ৰগ্ৰাম–২০২৬ৰ বাবে আবেদন দাখিলৰ শেষ তাৰিখ ১০ জুন ২০২৬। উত্তৰ-পূৰ্বাঞ্চলৰ বিভিন্ন মহাবিদ্যালয় আৰু বিশ্ববিদ্যালয়ৰ UG আৰু PG শিক্ষাৰ্থীসকল, লগতে নতুনভাৱে ভৰ্তি হোৱা UG শিক্ষাৰ্থীসকলো এই ইণ্টাৰ্নশ্বিপৰ বাবে আবেদন কৰিব পাৰিব। আগ্ৰহী প্ৰাৰ্থীসকলে নিৰ্ধাৰিত সময়ৰ ভিতৰত অনলাইন আবেদন দাখিল কৰিব লাগিব। আবেদন প্ৰক্ৰিয়া সম্পূৰ্ণ কৰিবলৈ প্ৰাৰ্থীসকলে এই লিংকটো ব্যৱহাৰ কৰিব পাৰিব: https://forms.gle/wfPhTBkVLWzynP217। নিৰ্ধাৰিত তাৰিখৰ পাছত পোৱা আবেদনসমূহ গ্ৰহণ কৰা নহ’ব।বিশ্ববিদ্যালয় কৰ্তৃপক্ষই জনায় যে, ইণ্টাৰ্নশ্বিপৰ বিভাগ, মডিউল, সময়সীমা আৰু নামভৰ্তিৰ প্ৰক্ৰিয়াসমূহ সম্পৰ্কীয় অধিক তথ্য অতি সোনকালে USTM-ৰ চৰকাৰী যোগাযোগ মাধ্যমসমূহৰ জৰিয়তে প্ৰকাশ কৰা হ’ব।