দেখা নাপাব ধোনীৰ চিৰ পৰিচিত হেলিকপ্টাৰ শ্বট বৰ্ষাপাৰাত ধোনীক চোৱাৰ পৰা বঞ্চিত হ’ব অনুৰাগী

কাইলৈ বৰ্ষাপাৰা ক্ৰিকেট ষ্টেডিয়ামত অনুষ্ঠিত হ’ব ৰাজস্থান ৰয়েলছ আৰু চেন্নাই চুপাৰ কিংছৰ মেচ। ইতিমধ্যে ৪দিন পূৰ্বৰে পৰা গুৱাহাটীত বাহৰ পাতিছে ঘৰুৱা দল ৰাজস্থান ৰয়েলছে।৩০ মাৰ্চ ২০২৬ত নৈশলোকত অনুষ্ঠিত হ’ব লগা মেচখনৰ পূৰ্বে অনুৰাগীৰ বাবে আহিছে এক দুঃখবৰ। যিসকল অনুৰাগীয়ে মহেন্দ্ৰ সিং ধোনীৰ খেল চাম বুলি ভাবি আছে, তেওঁলোকে খেলপথাৰত দেখা নাপাব ধোনীক। দেখা নাপাব ধোনীৰ চিৰ পৰিচিত হেলিকপ্টাৰ শ্বট। কিয়নো দুসপ্তাহৰ বাবে মেচ খেলাৰ পৰা বিৰত থাকিব লাগিব ধোনী। উল্লেখযোগ্য যে, কলাফুলৰ আঘাতৰ বাবে আই পি এলৰ প্ৰথম পৰ্বত নাথাকিব অনুৰাগীৰ ধোনী।