আগন্তুক বিধানসভা নিৰ্বাচনত মৰিয়নী সমষ্টিত ৰাইজৰ দলৰ হৈ প্ৰতিদ্বন্দ্বিতা কৰিব ড৹ জ্ঞানশ্ৰী বৰাই । ৰাইজৰ দলৰ প্ৰাৰ্থীগৰাকীক সমষ্টিটোৰ বিধায়ক ৰূপজ্যোতি কুৰ্মীয়ে কটাক্ষ কৰাৰ পিছত বিধায়কগৰাকীৰ দায়িত্ব আৰু কৰ্মৰাজিক সমালোচনা কৰি জ্ঞানশ্ৰী বৰাই কেইবাটাও প্ৰশ্ন সংবাদ মাধ্য়মৰ জৰিয়তে উত্থাপন কৰিলে ।
দেওবাৰে কাজিৰঙাৰ দুৰ্গাপুৰস্থিত কাজিৰঙা অৰ্কিড উদ্যানত ৰাইজৰ দলৰ এক আলোচনাত অংশ ল’বলৈ অহা জ্ঞানশ্ৰী বৰাই সংবাদ মাধ্যমৰ আগত কয়, “মৰিয়নীত যোৱা মোৰ বেছিদিন হোৱা নাই; কিন্তু যোৱা দিনকেইটাত ৰাইজৰ যথেষ্ট মৰম পাইছো ৷ এই মৰম হয়তো এইবাবেই পাইছো, কাৰণ বিগত সময়ত একেজনে ব্যক্তি, তেখেতৰ পৰিয়ালে দীৰ্ঘদিন ধৰি মৰিয়নীৰ ৰাইজক জনপ্ৰতিনিধি হিচাপে যিদৰে উত্থাপন কৰিব লাগিছিল বিষয়বোৰ, সমস্যাবোৰ সমাধানৰ ক্ষেত্ৰত তেখেতে এইক্ষেত্ৰত ব্যৰ্থ ৷ “বিধায়ক ৰূপজ্যোতি কুৰ্মীয়ে জ্ঞানশ্ৰী বৰাক সৰু, ধুনীয়া বুলি মন্তব্য কৰা সন্দৰ্ভত প্ৰতিক্ৰিয়া প্ৰকাশ কৰি তেওঁ কয়, “চাওক বয়স মোৰ ৩৪ হ’বৰ হ’ল, গতিকে সৰু মই নহয় ৷ দ্বিতীয়তে ধুনীয়া হোৱাটো বা দেখিবলৈ কেনেকুৱা কোন ব্যক্তি এইটো জনপ্ৰতিনিধি এজন হোৱাৰ যোগ্যতাৰ মাপকাঠি নহয় ৷ জনপ্ৰতিনিধি এজন হোৱাৰ যোগ্যতাৰ মাপকাঠি হ’ল তেওঁ নিজৰ বিষয়-বস্তুবোৰ উপস্থাপন কৰিব পাৰিছেনে নাই ? তেওঁ যিখিনি দায়িত্ব বা বিশ্বাসেৰে ৰাইজে ভোট দিয়ে । সেই ভোটটোৰ বিনিময়ত যিখিনি ৰাইজৰ বাবে অধিকাৰৰ প্ৰশ্ন, সমস্যাৰ সমাধানৰ কথা, এই কথাবোৰত তেওঁৰ ‘ডিছিচন’ কি, তেওঁ আচলতে নিৰ্ণায়ক ভূমিকা ল’ব পাৰিছেনে নাই সমস্যা সমাধানৰ ক্ষেত্ৰত ৷ গতিকে মই ভাবো যে ধুনীয়া হোৱা দেখিবলৈ কোনোবা এইটো এটা মানুহৰ নিজৰ নিজৰ ব্যক্তিগত চিন্তা; কিন্তু সেইটো কেতিয়াও যোগ্যতাৰ মাপকাঠি নহয় ৷ “”মানুহৰ বাহ্যিকৰূপে কিবা এনেক্ষেত্ৰত কিবা নিৰ্ণায়ক ভূমিকা লয় বুলিও মই নাভাবো
By
By
