আমেৰিকাত ভয়াৱহ বিমান দুৰ্ঘটনা!
টেক অফৰ কিছুসময় পিছতেই দুৰ্ঘটনাত পতিত কাৰ্গো বিমান
বিমানখন আছিল UPS কাৰ্গো বিমান। দুৰ্ঘটনাটোত এইপৰ্যন্ত অতি কমেও ৭জন লোকৰ মৃত্যুৰ খবৰ পোৱা গৈছে। দুৰ্ঘটনাত আহতৰ সংখ্যা হৈছে ১১জন
আহতসকল স্থানীয় চিকিৎসালয়ত চিকিৎসাধীন হৈ আছে। তদুপৰি কেইবাজনো লোক নিৰুদ্দেশ হোৱা বুলি উদ্ধাৰকাৰী সংস্থাই জানিবলৈ দিয়ে। দুৰ্ঘটনাস্থলীৰ সমীপত বাস কৰা বাসিন্দাসকলক তেওঁলোকৰ সুৰক্ষাৰ বাবে আপাততঃ নিজৰ ঘৰতে থাকিবলৈ কোৱা হৈছে।
ফেডাৰেল এভিয়েচন এডমিনিষ্ট্ৰেচনে জনোৱা মতে, স্থানীয় সময় অনুসৰি বিয়লি ৫:১৫ বজাত UPS Flight 2796 বিমানখনে লুইছভিল বিমানবন্দৰৰ পৰা হনোলুলুলৈ যাত্ৰা কৰিছিল। বিমানখনত তিনিজন ক্ৰু মেম্বাৰ আছিল। তিনিওজনৰে ইতিমধ্যে মৃত্যু হোৱা বুলি জানিব পৰা গৈছে













