বাসুগাঁৱত ভয়ংকৰ পথ দুৰ্ঘটনাঃ নিহত দুই মটৰচাইকেল আৰোহী

বাসুগাঁৱৰ সমীপৰ নেহালগাঁৱত বুধবাৰে নিশা ১১.৩০ বজাত এক ভয়ংকৰ পথ দুৰ্ঘটনা সংঘটিত হয়। যানবাহন আৰক্ষীয়ে দুৰ্ঘটনা প্ৰতিৰোধ কৰিবলৈ পথৰ ওপৰত গতিৰোধক স্থাপন কৰিছিল কিন্তু দুৰ্ভাগ্যজনক কথা উক্ত স্থানতে কোকৰাঝাৰ জিলাৰ ছালাকাটি স্থিত NTPC ৰ পৰা কয়লাৰ ছাই কঢ়িওৱা কন্টেইনাৰে মহতিয়াই নিয়ে দুই মটৰচাইকেল আৰোহীক ।ফলত ঘটনাস্থলীতে নিহত হয় দুই মটৰচাইকেল আৰোহী যুৱক। ইপিনে পথ দুৰ্ঘটনা সংঘটিত কৰি পথৰ ওপৰতে কন্টেইনাৰ এৰি চালক আৰু সহ-চালক দুজন পলায়ন কৰে। দুৰ্ঘটনাৰ খবৰ লাভ কৰি ঘটনাস্থলীত আৰক্ষীৰ লোক উপস্থিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে কাজলগাঁওলৈ প্ৰেৰণ কৰে ।