ডিগবৈৰ পাৰ্শ্বৱৰ্তী টিংৰাই শ্ৰীকৃষ্ণ চাহ বাগিছাৰ লাইনত এটি নৱজাতকৰ মৃতদেহ উদ্ধাৰ হোৱাক লৈ সমগ্ৰ অঞ্চলজুৰি তীব্ৰ চাঞ্চ্যলৰ সৃষ্টি হৈছে । শুকুৰবাৰে সন্ধিয়া শ্ৰীকৃষ্ণ চাহবাগিছাৰ গাংগো লাইনৰ এটা অংগনবাড়ী কেন্দ্ৰৰ পাছফালৰ পুখুৰীত এটা নৱজাতকৰ মৃতদেহ স্থানীয়লোকে প্ৰত্যক্ষ কৰি ডিগবৈ আৰক্ষী থানাত অৱগত কৰে।
🌐ঘটনাস্থলীত আশাকৰ্মী উপস্থিত হৈ স্থানীয় কোনো লোকে এই অপকৰ্ম কৰাৰ সন্দেহত অনুসন্ধান কৰি স্থানীয় লোক এই ঘটনাৰ লগত জড়িত নথকাতো নিশ্চিত কৰে।
🌐নৱজাতকটিক এনেদৰে কোনে, কেতিয়া পেলাই থৈ গৈছে সেইয়া নিশ্চিত হোৱা নাই যদিও কোনো লোকে অসৎ চৰিত্ৰ পূৰণ কৰি সমাজত মুখ ঢাকিবৰ বাবে এইদৰে এটি নৱজাতকক হত্যা কৰা বুলি সন্দেহ কৰা হৈছে । ঘটনাৰ সন্দৰ্ভত আৰক্ষীয়ে তদন্ত অব্যাহত ৰাখিছে।
