উত্তৰ গুৱাহাটী ভেটামুখ তিনিআলিত মঙ্গলবাৰে “IB GYM FITNESS” নামেৰে এটা অত্যাধুনিক শৰীৰ চৰ্চা কেন্দ্ৰ আনুষ্ঠানিক ভাৱে মুকলি কৰা হয় । কেন্দ্ৰটো মুকলি কৰে খ্যাতি সম্পন্ন শৰীৰ চৰ্চাবীদ ভৱজ্যোতি গোস্বামীয়ে । কেন্দ্ৰটো মুকলি কৰি গোস্বামীয়ে কয় যে নিয়মীয়া শৰীৰ চৰ্চাই মানুহক নিৰোগী হৈ থকাত সহায় কৰে ।
উদ্বোধনী অনুষ্ঠানত সমাজকৰ্মী কেশৱ বৰা ,দিলীপ কৰাকে ধৰি কেইবাজনো বক্তাই ভাষণ প্ৰদান কৰি কেন্দ্ৰটোৱে যুৱ প্ৰজন্মক সঠিক পথৰ সন্ধান দিব বুলি উল্লেখ কৰে । এই কেন্দ্ৰটোৰ বাবে মুম্বাইৰ পৰা প্ৰায় ৩৫ লাখ টকাৰ অত্যাধুনিক সামগ্ৰী অনা হৈছে । কেন্দ্ৰটোৰ স্বত্বাধিকাৰী ইমৰাণ আলী আৰু বাবলু চৌধুৰীয়ে জানিব দিয়া মতে কেন্দ্ৰটোত একে সময়ত ৩০ জনে প্ৰশিক্ষণ ল’ব পাৰিব আৰু এতিয়ালৈ কেন্দ্ৰটোত দুই শতাধিক যুৱক যুৱতীয়ে নামভৰ্তি কৰিছে । কেন্দ্ৰটোত মুখ্য প্ৰশিক্ষক হিচাপে আছে শৰীৰ চৰ্চাবিদ বিশ্ব জিৎ গগৈ, ইমৰাণ আলী ।