মুকালমুৱাৰ হামলাকুৰত শোকাৱহ পথ দুৰ্ঘটনা

মুকালমুৱাৰ হামলাকুৰত শোকাৱহ পথ দুৰ্ঘটনা।থিতাতে নিহত দুজন,আহত এজন।
দুৰ্ঘটনাগ্ৰস্থ ট্ৰাক জলাই দিলে ক্ষুদ্ধ ৰাইজে।মুকালমুৱাৰ হামলাকুৰত আজি দুপৰীয়া এক শোকাৱহ পথ দুৰ্ঘটনা সংঘটিত হয়। লোহাৰকাঠা-নলবাৰী সংযোগী পথত সংঘটিত হোৱা শোকাৱহ পথ দুৰ্ঘটনাত দুজন থিতাতে নিহত হোৱাৰ লগতে এজন গুৰতৰভাৱে আহত হয়। প্ৰাপ্ত তথ্য মতে এখন ট্ৰাক আৰু এখন দুচকীয়া বাহনৰ মাজত মুখামুখি সংঘৰ্ষ হোৱাৰ ফলত দুৰ্ঘটনাটো সংঘটিত হয়। দুৰ্ঘটনাটোত থিতাতে নিহত হয় আছিক আলী আৰু ইনজামুল হক নামৰ দুই যুৱকৰ। লগতে চাহ আলম নামৰ এজনক চিকিৎসালয়ত ভৰ্তি কৰোৱাই। দুৰ্ঘটনা সংঘটিত হোৱাৰ পাছতে একাংশ ক্ষুদ্ধ ৰাইজে দুৰ্ঘটনাগ্ৰস্থ ট্ৰাকখনত অগ্নিসংযোগ কৰে। আৰক্ষী প্ৰশাসন,অগ্নি নিৰ্বাপক বাহিনী উপস্থিত হৈ পৰিস্থিতি নিয়ন্ত্ৰণ কৰিবলৈ সক্ষম হয়।
দুৰ্ঘটনা সংঘটিত হোৱা ট্ৰাক খনৰ নম্বৰ AS12E4788 আৰু দুচকীয়া বাহন খনৰ AS 01 DJ 07 41 বুলি জানিব পৰা গৈছে।