• Home
  • অসম
  • দুদিনীয়া ভ্ৰমণ কাৰ্যসূচীৰে আজি অসমলৈ আহিব RSS প্ৰধান মোহন ভাগৱত
Image

দুদিনীয়া ভ্ৰমণ কাৰ্যসূচীৰে আজি অসমলৈ আহিব RSS প্ৰধান মোহন ভাগৱত

দুদিনীয়া ভ্ৰমণ কাৰ্যসূচীৰে অসমলৈ আহিব মোহন ভাগৱত

RSS প্ৰধান মোহন ভাগৱত দুই দিনীয়া কাৰ্যসূচীৰে আজি গুৱাহাটীত উপস্হিত হ’ব ।

গুৱাহাটী বৰঝাৰৰ লোকপ্ৰিয় গোপীনাথ বৰদলৈ আন্ত ৰাষ্ট্ৰীয় বিমান বন্দৰৰ পৰাই পোনে পোনে ৰাষ্ট্ৰীয় স্বয়ংসেৱক সংঘৰ সৰসংঘচালক গৰাকী গুৱাহাটীৰ বৰবৰীৰ সুদৰ্শনালয়ত উপস্হিত হ’ব বুলি ৰাষ্ট্ৰীয় স্বয়ংসেৱক সংঘৰ উত্তৰ অসম প্ৰান্তৰ প্ৰচাৰ প্ৰমুখ কিশোৰ শিৱমে এক প্ৰেছ বিবৃতিযোগে জানিবলৈ দিছে ৷

উল্লেখ্য, ৰাষ্ট্ৰীয় স্বয়ংসেৱক সংঘৰ শতবৰ্ষ পূৰ্ণ উপলক্ষে আৰ, এছ, এছ ৰ মুৰব্বী ডা: মোহন ভাগৱতে ১৮ আৰু ১৯ নবেম্বৰত সম্পূৰ্ণ দুটাকৈ দিনত সুদৰ্শনালয়ত থাকি বৌদ্ধিক, মত-বিনিময় কাৰ্যসূচীত অংশগ্ৰহণ কৰিব ৷ এই মৰ্মে, ১৮ নবেম্বৰৰ আবেলি ৪ বজাত সমাজ জীৱনলৈ অৱদান আগবঢ়োৱা গুৱাহাটী মহানগৰৰ কিছু সংখ্যক নিৰ্বাচিত লোকক সামৰি প্ৰবুদ্ধ নাগৰিক সন্মিলন অনুষ্ঠিত হ’ব ৷ উক্ত প্ৰবুদ্ধ নাগৰিক সন্মিলনত বিশিষ্ট সাহিত্যিক, কাকত আলোচনীৰ সম্পাদক, উদ্যোগপতিকে ধৰি দুই শতাধিকলোক উপস্হিত থাকিব ৷ প্ৰবুদ্ধ নাগৰিক সন্মিলনত ডা:মোহন ভাগৱতে বৌদ্ধিক প্ৰদান কৰাৰ লগতে মত -বিনময় কৰিব ৷ অনুৰূপধৰণে ১৯ নবেম্বৰৰ পুৱা ১০ বজাত যুৱ সন্মিলন অনুষ্ঠিত হ’ব ৷ উক্ত যুৱ সন্মিলনত কিছুসংখ্যক নিৰ্বাচিত কবি, সাহিত্যিক, সাংবাদিক, উদ্যোগপতি আদিৰ সন্মুখত আন এক বৌদ্ধিক প্ৰদান কৰিব ৷ ডা: মোহন ভাগৱতে গুৱাহাটীত দুদিন উপস্হিত থাকি ২০ নবেম্বৰৰ দিনা মণিপুৰলৈ অভিমুখে ৰাওনা হ’ব বুলি ৰাষ্ট্ৰীয় স্বয়ংসেৱক সংঘৰ উত্তৰ অসম প্ৰান্তৰ প্ৰচাৰ প্ৰমুখ কিশোৰ শিৱমে জানিবলৈ দিছে ।

Releated Posts

সাৱধান আহি আছে ঘূৰ্ণী দিটৱাহ

সাৱধান আহি আছে ঘূৰ্ণী দিটৱাহ আগন্তুক ৪৮ঘন্টাত বতৰে দেখা দিব কালৰূপ। দক্ষিণ ভাৰতত প্ৰৱল বৃষ্টিপাত। আনহাতে শ্ৰীলংকাত সামুদ্ৰিক…

ByByMahesh MalakarNov 28, 2025

বিধানসভাৰ অধ্যক্ষ নিৰপেক্ষ হ’ব লাগেঃ অখিল গগৈ

শীঘ্ৰেই অসম বিধানসভাত স্থাপন হ’ব ডিটেনশ্যন কোঠা। সদনত প্ৰশ্নোত্তৰ ঘণ্টাত হুলস্থূল কৰি অখিল গগৈ নিলম্বিত হোৱাৰ পাছতে ডিটেনশ্যন…

ByByMahesh MalakarNov 28, 2025

আজি মুকলি হ’ব ৰাজ্য চৰকাৰৰ প্ৰেৰণা আঁচনি

আজি মুকলি হ’ব ৰাজ্য চৰকাৰৰ প্ৰেৰণা আঁচনি। শ্ৰীমন্ত শংকৰদেৱ কলাক্ষেত্ৰত মুকলি হ’ব ‘প্ৰেৰণা’ শীৰ্ষক অভিলাষী আঁচনি। মুখ্যমন্ত্ৰী হিমন্ত…

ByByMahesh MalakarNov 28, 2025

অবৈধভাৱে ভাৰতত প্ৰৱেশ কৰা চাৰি বাংলাদেশী যুৱতীক গোলকগঞ্জত বিতাৰণ

ভাৰত- বাংলাদেশ সীমান্তৱৰ্তী গোলোকগঞ্জ সহ আন আন সীমান্তৰ সুৰক্ষাৰ দায়িত্ব থকা বিএছএফ দায়িত্বহীনতাৰ বাবে সীমান্তৰ সিপাৰৰ পৰা জাকে…

ByByMahesh MalakarNov 27, 2025
Scroll to Top