এক লজ্জাজনক ঘটনাই জোঁকাৰিছে কাৰ্বি আংলং জিলাৰ হাওৰাঘাট।
প্ৰধান শিক্ষকৰ কামনাৰ বলি হ’ল ১২ বছৰীয়া নাবালিকা।
ৰামচা পথাৰৰ জিৰ লাংছো প্ৰাথমিক বিদ্যালয়ৰ শিক্ষক খৰ্গেশ্বৰ বৰাৰ কু-কাণ্ড।
এইবাৰ ধৰ্ষণকাৰীৰ ৰূপত এগৰাকী প্ৰধান শিক্ষক। কাৰ্বি আংলং জিলাৰ হাওৰাঘাট আৰক্ষী চকীৰ অন্তৰ্গত হাওৰাঘাটত সংঘটিত হয় এক লজ্জাজনক ঘটনা। খৰ্গেশ্বৰ বৰা নামৰ এজন শিক্ষকৰ কামনাৰ বলি হ’ল তেওঁৰ ঘৰত বনকৰা হিচাপে ৰখা এগৰাকী নাবালিকা। কণমানিজনীক পঢ়ুৱাৰ নামত ঘৰত ৰাখি কৰে এই জঘন্য কাম।
নাবালিকাগৰাকী পৰৱৰ্তী সময়ত চৰম যন্ত্ৰণা ভূগি শনিবাৰে নিশা অকস্মাত গুৰুতৰভাৱে অসুস্থ হৈ পৰে। পাছত পৰিয়ালৰ লোকে হাওৰাঘাটৰ প্ৰাথমিক চিকিৎসালয় লৈ যায় আৰু তাতেই এক পুত্ৰ সন্তান জন্ম দিয়ে নাবালিকাগৰাকীয়ে।
শিক্ষক এজনৰ এনে কু-কৰ্মৰ কথা বনজুইৰ দৰে বিয়পি পৰে হাওৰাঘাট অঞ্চলত। পিছে দুৰ্ভগীয়া পৰিয়ালে এতিয়া ন্যায় বিচাৰি কাষ চাপিছে আৰক্ষীৰ। আৰক্ষীয়ে ইতিমধ্যে গোচৰ ৰুজু কৰি খৰ্গেশ্বৰ বৰাক আটক কৰিছে। নাবালিকা ধৰ্ষণকাৰীৰ বিৰুদ্ধে এতিয়া আইনে কি ব্যৱস্থা লয় সেয়া হ’ব লক্ষণীয়।
By
By
