বৰপেটাৰ ভৱানীপুৰ-সৰভোগ বিধানসভা সমষ্টিৰ কলভাঙা গাঁও পঞ্চায়তত খেল মহাৰণ শুভাৰম্ভ ।

গোৱৰ্দ্বনা উন্নয়ন খণ্ডৰ ভিত্তিত কলহভাঙা গাওঁ পঞ্চায়ত সাতবইনীৰটুপ জনকল্যাণ হাইস্কুল খেলপথাৰত আয়োজিত খেল মহাৰণ অনুষ্ঠান আজি আনুষ্ঠানিকভাৱে উদ্বোধন কৰে বৰপেটা জিলাৰ আৰক্ষী অধীক্ষক সুশান্ত বিশ্ব শৰ্মাই । ভৱানীপুৰ-সৰভোগ সমষ্টিৰ খেল মহাৰণ আয়োজক সমিতিৰ অধ্যক্ষ মনজিৎ দাসকে প্ৰমুখ্যে কৰি খেল মহাৰণ আয়োজন কৰা সমূহ সদস্যসকলে আৰক্ষী অধীক্ষক সুশান্ত বিশ্ব শৰ্মাক উষ্ম আদৰণি জনায়। ছাত্ৰ ছাত্ৰীসকলৰ খেল ধেমালিৰ বিষয়ে বুজ লয় আৰক্ষী অধীক্ষকগৰাকীয়ে । গাঁৱৰ দৰিদ্ৰ ছাত্ৰ-ছাত্ৰীসকলৰ প্ৰতিভা
আজি খেল মহাৰণৰ জৰিয়তে প্ৰকাশ পালে । খেল মহাৰণৰ উদ্বোধনী অনুষ্ঠানত অংশ লৈ আৰক্ষী অধীক্ষক আৰু সৰভোগ ভৱানীপুৰ বিধানসভা সমষ্টিৰ খেল মহাৰণৰ অধ্যক্ষ মনজিৎ দাসে এই প্ৰতিযোগিতাই গ্ৰামাঞ্চলৰ ক্ৰীড়া প্ৰতিভাক নিশ্চিতভাৱে উজ্জীৱিত কৰিব বুলি উল্লেখ কৰে । ৰাজ্যৰ মুখ্যমন্ত্ৰী ড: হিমন্ত বিশ্ব শৰ্মাই ৰাজ্যৰ চুকে কোণে লুকাই থকা খেলুৱৈসকলৰ প্ৰতিভা বিচাৰি অনা কাৰ্য্যাকলাপক আৰু মুখ্যমন্ত্ৰীৰ চিন্তাধাৰাক ভূঁয়সী প্ৰশংসা কৰে ।