মাৰ্ঘেৰিটা ৰাজহ চক্ৰ বিষয়া,দণ্ডাধীশ আৰু ডিগবৈ আৰক্ষী থানাৰ ভাৰপ্ৰাপ্ত বিষয়া দিব্যজ্যোতি দত্তৰ উপস্থিতিত সোমবাৰে শ্ৰমিকৰ মাজত ১৬% বোনাচ প্ৰদান কৰা হয় । বাকী ৪ শতাংশ মাঘ বিহুত প্ৰদান কৰিব বুলিও আশ্বাস দিয়ে । উল্লেখ্য যে বাগিছাখনৰ শ্ৰমিকসকলে শাৰদীয় দুৰ্গা পূজাৰ পূৰ্বে ২০ শতাংশ বোনাছ একেলগে দিবলৈ দাবী জনাইছিল। কিন্তু বাগিছা কৰ্তৃপক্ষই দুটা কিস্তিতহে দিব বিচাৰি আছিল । ফলত ভাৰতীয় চাহ মজদুৰ সংঘৰ মাৰ্ঘেৰিটা শাখাৰ নেতৃত্বত শ্ৰমিকসকলে একেলগে ২০ শতাংশ বোনাছ প্ৰদানৰ দাবীত প্ৰতিবাদ কৰি দুটা দিন বাগিছাখন সম্পূৰ্ণৰূপে বন্ধ কৰি দিছিলল । তাৰ পাছত বাগিছাৰ কাম কাজ চলি আছিল যদিও ২০ শতাংশ বোনাছ প্ৰদানৰ দাবীত শ্ৰমিকসকল অটল আছিল । কিন্তু সোমবাৰে হোৱা এক আলোচনাত বাগিছাৰ পৰিচালকে অহা বছৰৰ পৰা এটা কিস্তিত বোনাছ প্ৰদান কৰা হ’ব বুলি ঘোষণা কৰাত শ্ৰমিকসকলে এইবাৰ দুটা কিস্তিত বোনাছ লবলৈ মান্তি হয়।
পাৱৈ চাহ বাগিছাত ১৬ শতাংশ বোনাছ কটকটীয়া নিৰাপত্তাৰ মাজত প্ৰদান ।
