বিজেপি চৰকাৰৰ প্ৰবঞ্চনা আৰু প্ৰতাৰণাৰ বিৰুদ্ধে আজি বৃহত্তৰ দিকৰাই চাহ বাগিছাৰ অন্তৰ্গত,মনাই, দিপলোঙা, গেলাহাটিঙা আদি বিভিন্ন প্ৰান্তৰ চাহ বাগিছাৰ মুখ্য কাৰ্যালয়ত শশ শ্ৰমিক সকলে নিজৰ প্ৰাপ্য অধিকাৰৰ সন্দৰ্ভত এক ধৰ্না কাৰ্য সুচী গ্ৰহণ কৰে।চাহ শ্ৰমিকৰ ন -দফীয়া বিভিন্ন দাবী যেনে, চাহ শ্ৰমিক সকলৰ দৈনিক মঞ্জুৰি বৃদ্ধি, অসম চাহ নিগমৰ অন্তৰ্গত বাগিছা সমুহৰ অনাদ্য় হৈ থকা ভৱিষ্য নিধি গ্ৰেচুইটি পি এফ আদি তৎকালে মুকলি কৰি দিয়া,বাগিছাৰ বিদ্যালয় সমূহৰ আন্ত গাঁথনি উন্নয়ন,পৰ্য্যাপ্ত শিক্ষক নিযুক্তি,
বাগিছাৰ সমুহত নতুনকৈ সংযোগ কৰিব বিচৰা স্মাৰ্ট মিটাৰ বন্ধ কৰা, কোম্পানীৰ ঘৰসমূহ নতুনকৈ নিৰ্মাণ কৰি আৰু শ্ৰমিক সকলে ভোগ দখল কৰি থকা মাটিৰ পটাৰ ব্যৱস্হা কৰা আদি দাবীৰে হাতে হাতে বেনাৰ ফেষ্টুন লৈ ধৰ্না কাৰ্য সুচী ৰূপায়ন কৰে । অসম চাহ মজদুৰ সংঘৰ উদ্যোগত অসমৰ বিভিন্ন চাহ বাগিছাত কৰ্মৰত শ্ৰমিক সকলে নিজৰ প্ৰাপ্য আদায়ৰ দাবীত আজি এক ঘন্টীয়া ধৰ্না কাৰ্য সুচী ৰুপায়ন কৰাৰ অন্তত বাগিছা পৰিচালক যোগেদি অসমৰ মুখ্য মন্ত্ৰী,শ্ৰম মন্ত্ৰীলৈ স্মাৰক পত্ৰ প্ৰদান কৰি অতিশীঘ্ৰে এই ন-দফীয়া দাবী সমুহ পুৰণ কৰিবলৈ আহ্বান জনায় ।অন্যথাই আগন্তুক দিনত অমুক দিম তমুক দিম বুলি বাগিছাৰ শ্ৰমিক সকলক আভুৱা ভৰা বিজেপি চৰকাৰৰ বিৰুদ্ধে তীব্ৰ গণতান্ত্ৰিক আন্দোলন গ্ৰহণ কৰাৰ হুংকাৰ দিয়ে ।