ছাত্ৰছাত্ৰী সকলে প্ৰদৰ্শন কৰিলে বিভিন্ন সাংস্কৃতিক অনুস্থান|জাগীৰোডৰ নালন্দা একাডেমিৰ ১৭ তম বাৰ্ষিক অনুস্থান মংগলবাৰে বিভিন্ন কাৰ্যসূচীৰে জাগীৰোড কলা মন্দিৰত পালন কৰা হয় ৷ সাংস্কৃতিক অনুস্থানত বিদ্যালয়ৰ শিক্ষক শিক্ষয়িত্ৰী আৰু ছাত্ৰ ছাত্ৰী সকলে গীত নৃত্য পৰিৱেশন কৰে ৷ জাগীৰোডত ১৭ বছৰ পূৰ্বে স্থাপন হৈছিল বিদ্যালয় খন ৷
স্কুল খনত উন্নত শিক্ষা প্ৰদান কৰাৰ লগতে ছাত্ৰছাত্ৰী সকলক শাৰীৰিক আৰু মানসিক বিকাশৰ বাবে বিভিন্ন ধৰণৰ খেলাধূলাৰ ব্যৱস্থা গ্ৰহণ কৰা হয় বুলি প্ৰকাশ কৰে বিদ্যালয়ৰ স্বত্বাধিকাৰে ৷ আনহাতে বাৰ্ষিক প্ৰতিষ্ঠা দিৱস অনুস্থানত একাডেমিৰ অধ্যক্ষ সূৰ্য্য প্ৰতাপ চক্ৰৱৰ্তী , মৰিগাঁও জিলা সাহিত্য সভাৰ সভাপতি ড° হৰমোহন কলিতা , বিনায়ক একাডেমিৰ অধ্যক্ষ সুশান্ত চন্দ , সমাজ সেৱক প্ৰবীৰ ভৌমিক , নালন্দা একাডেমিৰ চেয়াৰ পাৰ্চন কানাইলাল চক্ৰৱৰ্তী , ডাক্তৰ অতিন্দ্ৰ দাস , নালন্দা একাডেমিৰ অভিভাৱক কমিটিৰ সভাপতি জিন্টু কুমাৰ দাস , সমাজসেৱক সোণজ্যোতি নাথ সহ জাগীৰোডৰ লগতে অঞ্চলটোৰ বিশিষ্ট ব্যক্তি সকল ছাত্ৰছাত্ৰী আৰু অভিভাৱক সকল উপস্থিত থাকে ৷