কামৰূপ জিলাৰ সোণতলী আৰক্ষী চকীৰ অন্তৰ্গত পাথালিপাৰা গাঁৱত নিশা সংঘটিত হয় বিধ্বংসী অগ্নিকাণ্ডৰ ঘটনা।নিশা প্ৰায় এঘাৰ বজাত হঠাৎ গাওঁ খনৰ হজৰত আলী নামৰ লোক জনৰ ঘৰত জুই লগাত হুৱাদুৱাৰ সৃষ্টি হয়।লোক জনৰ ঘৰৰ পিছ ফালত জমা কৰি ৰখা মৰাপাট খৰিৰ দমৰ পৰা জুইৰ সুত্ৰপাত হোৱা বুলি সন্দেহ কৰিছে পৰিয়ালৰ লোকে।
জুইৰ লেলিহান শিখাই নিমিষতে ছানি ধৰাত পৰিয়ালটোৰ তিনিটাকৈ থকা ঘৰৰ লগতে ঘৰৰ ভিতৰত সাঁচি থোৱা নগদ ধন আ-অলংকাৰকে ধৰি যাৱতীয় নথি-পত্ৰ সমুহ সম্পূৰ্ণৰূপে ভস্মীভূত হয়। ইয়াৰ উপৰিও ঘৰৰ ভিতৰত থকা গেছ ছিলিণ্ডাৰ বিস্ফোৰণ হৈ নগৰ আলী,আকবৰ আলী,হাবেজ আলী ,আশাদুল হক নামৰ চাৰিজনকৈ লোক গুৰুতৰভাৱে আহত হোৱা বুলি জানিব পৰা গৈছে।