অসমৰ বান পৰিস্থিতি এতিয়াও ভয়াৱহ। এতিয়াও ১২ লাখৰো অধিক লোক বানত ক্ষতিগ্ৰস্ত। পানীৰ তলত হাজাৰ হাজাৰ গাঁও। শুকুৰবাৰে ৰাজ্যত বানপানীৰ ফলত আৰু ৭ জন লোকৰ মৃত্যু হয়। অসমত বানত মৃত্যু হোৱা লোকৰ সংখ্যা ৯০ লৈ বৃদ্ধি পাইছে৷ ব্ৰহ্মপুত্ৰৰ পানী এতিয়াও কেইবাঠাইতো বিপদসীমাৰ ওপৰেৰে বৈ আছে।
স্থানীয় প্ৰশাসনৰ সূত্ৰ অনুসৰি অসমৰ বান পৰিস্থিতি কিছু উন্নত হৈছে। কিন্তু ই যথেষ্ট নহয়। এতিয়াও অসমৰ ২৪খন জিলাৰ ১২ লাখ ৩৩ হাজাৰ লোক বানত ক্ষতিগ্ৰস্ত। ২,৪০৬ খন গাঁও পানীৰ তলত। ৩২ হাজাৰ হেক্টৰৰো অধিক কৃষিভূমি বানত ক্ষতিগ্ৰস্ত হৈছে। এতিয়াও বহু লোক গৃহহীন। অসম ৰাজ্যিক দুৰ্যোগ ব্যৱস্থাপনা কৰ্তৃপক্ষই এই উদ্ধাৰ অভিযান চলাই আছে।
ASDMAৰ প্ৰতিবেদন অনুসৰি শুকুৰবাৰে অসমৰ গোৱালপাৰা জিলাত এখন নাও ডুব যায়। তাত পাঁচজন লোকৰ মৃত্যু হয়। ইয়াৰ বাহিৰেও নগাঁও আৰু যোৰহাটত এজনকৈ লোক পানীত ডুব যায়। ফলত মুঠ মৃত্যু হোৱা লোকৰ সংখ্যা ৯০ জনলৈ বৃদ্ধি পাইছে। অসমৰ বানপানীৰ ফলত ক্ষতিগ্ৰস্ত হোৱা জিলাসমূহৰ ভিতৰত কাছাৰ, ধুবুৰী, নগাঁও, ডিব্ৰুগড়, কামৰূপ, গোলাঘাট, যোৰহাট, মৰিগাঁও, লখিমপুৰ, কৰিমগঞ্জ, দৰং, মাজুলী, তিনিচুকীয়া উল্লেখযোগ্য।
ৰাজ্যৰ বহু জিলাত নদীৰ পানী কমি অহাৰ কথাও ASDMA-এ জনায়। কিন্তু নিমাতীঘাট, তেজপুৰ, ধুবুৰীৰ দৰে ঠাইত এতিয়াও বিপদ ৰেখাৰ ওপৰেৰে বৈ আছে ব্ৰহ্মপুত্ৰ। ইয়াৰ উপৰিও বুঢ়ীদিহিং নদী, দিছাং নদী, কুশিয়াৰা নদীৰ পানীও বিপদসীমাৰ ওপৰত।
অসমত প্ৰায় তিনি লাখ লোক গৃহহীন। ৰাজ্যৰ ৩১৬টা সাহায্য শিবিৰত আশ্ৰয় লৈছে। ৰাজ্যৰ ৬ লাখ ৫০ হাজাৰৰো অধিক জীৱ-জন্তু বানত ক্ষতিগ্ৰস্ত হৈছে। কাজিৰঙাত ১০টা গঁড়, ১৫০টা হাঁহ হৰিণকে ধৰি ১৮০টা জীৱ-জন্তুৰ মৃত্যু হৈছে। বৰ্তমানলৈকে ১৩৫টা জীৱ-জন্তু উদ্ধাৰ কৰা হৈছে।
Vitazen Keto Gummies For the reason that the admin of this site is working, no uncertainty very quickly it will be renowned, due to its quality contents.
Temp mail I do not even understand how I ended up here, but I assumed this publish used to be great
Business dicker I’m often to blogging and i really appreciate your content. The article has actually peaks my interest. I’m going to bookmark your web site and maintain checking for brand spanking new information.