৭২ সংখ্যক বন মহােৎসৱৰ সৈতে সংগতি ৰাখি বুধবাৰে ৰাজ্য চৰকাৰৰ বন আৰু পৰিৱেশ বিভাগে চাংসাৰিস্থিত সৰ্বভাৰতীয় আয়ুবিজ্ঞান প্রতিষ্ঠানৰ চৌহদত আয়ােজন কৰা ৰাজ্যিক পর্যায়ৰ অনুষ্ঠানত মুখ্যমন্ত্রী ড° হিমন্ত বিশ্ব শৰ্মাই বৃহৎ বৃক্ষৰােপন কাৰ্যসূচীত অংশগ্রহণ কৰি ৰুদ্রাক্ষ গছপুলি ৰােপন কৰে। এই উপলক্ষে আয়ােজিত সভাত ভাষণ প্রদান কৰি মুখ্যমন্ত্ৰীয়ে কয় যে ক’ভিড-১৯ মহামাৰীয়ে জনসাধাৰণক অক্সিজেনৰ প্ৰয়ােজনীয়তা সম্পর্কে শিকাইছে আৰু সেয়েহে ৰাজ্যখনৰ বনাঞ্চল আৰু জীৱ বৈচিত্র্য সংৰক্ষণৰ দিশত সকলােৱে প্রচেষ্টা চলাব লাগিব।
