কোকিলা জিলা পৰিষদৰ নিৰ্দলীয় প্ৰাৰ্থী ৰমেজ উদ্দিনে শশ লোকক লগত লৈ চাকলা আৰু কোকিলাত নিৰ্বাচনী কাৰ্যালয় মুকলি কৰে ।তাৰ পিছত অনুষ্ঠিত হোৱা নিৰ্বাচনী সভাত ৰাজ্যিক মহিলা মৰ্চাৰ সম্পাদিকা নাহিদা চৌধুৰীয়ে বিধায়ক আব্দুল বাতিন খন্দকাৰক ঠগ, প্ৰৱঞ্চক, লুভীয়া, দূৰ্নীতি পৰায়ন, অহংকাৰী ব্যক্তি আখ্যা দিয়ে আৰু তেনেকুৱা ব্যক্তিক কংগ্ৰেছৰ প্ৰাৰ্থীত্ব দিয়া বুলি তীব্ৰ সমালোচনা কৰে। আনহাতে জিলা কংগ্ৰেছৰ নেতা মোছলেম উদ্দিনেও ক্ষুৰধাৰ সমালোচনা কৰে বিধায়ক তথা প্ৰাৰ্থীজনক। টকাৰ বিনিময়ত টিকট দিয়া বুলিও কয়।
কিন্তু তাৰ বিপৰীতে বিধায়ক আব্দুল বাতিন খন্দকাৰে কোকিলা আৰু শৌলমাৰীত নিৰ্বাচনী কাৰ্যালয় মুকলি কৰাৰ সময়ত ৫০জনৰো অধিক লোক সভাত উপস্থিত নথকাত নিৰ্বাচনী প্ৰচাৰৰ পৰা আতৰি গৈছে বুলি জানিব পৰা গৈছে।আনহাতে কাশ্মীৰৰ পেহেলগামত সন্ত্ৰাসবাদীয়ে চলোৱা বৰ্ব্বৰ কাণ্ডক গৰিহনা দিয়ে প্ৰাৰ্থীজনে।