চিচিবৰগাঁও সাতোলাচুকত এগৰাকী মহিলাৰ শিৱ শক্তিৰ দ্বাৰা যোগাত্মক চিন্তা , অৰ্থ সংকটৰ বাবে বৰ্তমান বহুকেইখন অপ্ৰকাশিত গ্ৰন্থ।

চিচিবৰগাঁও সাতোলাচুক সেলাজৰী গাঁৱৰ নিবাসী বন্তি দুৱৰা বুঢ়াগোঁহায়ে নিজস্ব প্ৰচেষ্টাৰে ২০১৩ বৰ্ষতে তিনিমুঠীয়া শিৱ মন্দিৰ নামেৰে নামাকৰণ কৰি চিচিবৰগাঁও সাতোলাচুকস্থিত সেলাজৰীত স্থাপন কৰিছিল এটা শিৱ মন্দিৰ । শিৱ মন্দিৰত পুৱা-গধূলি প্ৰাৰ্থনা আৰাধনা কৰি বন্তি দুৱৰা বুঢ়াগোঁহাই নামৰ মহিলা গৰাকীয়ে মন্দিৰৰ পূজা-অৰ্চনা সমাপ্ত কৰাৰ পিছতে তেখেতে নিজৰ চিন্তা-চেতনা প্ৰকট কৰি লিখি উলিয়াইছে বহুকেইখন কবিতা পুথি , কালজৰী বিহুগীতৰ লগতে বহুকেইখন কিতাপ ।একেদৰে মহিলাগৰাকীৰ প্ৰকাশিত বিহু আৰু বিহুগীত, কবিতাৰ কলি নামেৰে দুখন কাব্যপুথি তেখেতে প্ৰকাশ কৰি উলিয়াই । তাৰ বিপৰীতে লেখক-কবি মহিলাগৰাকীয়ে অৰ্থ সংকটৰ বাবে সুপ্ত জ্ঞানৰ বিকাশ, মোৰ জীৱনৰ আইনৰ এখন্ধ আৰু অৱতাৰ, ঔষধি সঞ্জীৱনী, মহান প্ৰাৰ্থনা, মহানবাণী নামেৰে নামাকৰণ কৰি থোৱা বহুকেইখন গ্ৰন্থ বৰ্তমান অ-প্ৰকাশিত ৰূপত দেখিবলৈ পোৱা যায়। উল্লেখ্য যে, মহিলাগৰাকীয়ে জানিব দিয়া অনুসৰি শিৱৰ জাগ্ৰত চেতনা শক্তি প্ৰকট দ্বাৰা তেখেতে ঘৰুৱা চিকিৎসাৰে বহুলোকক ৰোগৰ পৰা পৰিত্ৰাণ পোৱা বুলি মতো প্ৰকাশ কৰে । একেদৰে লেখক কবিগৰাকীয়ে অসম কবি সন্মিলন,অসম কবি সমাজ দৰে বহুকেইটা সন্মিলনীৰ পৰা বঁটা বুটলিবলৈ সক্ষম হৈ আহিছে । লগতে সূদুৰ ভৱিষ্যতে পৰ্যাপ্ত পৰিমাণৰ কিতাপ লিখি উলিওৱাৰ প্ৰচেষ্টা চলাই আছে ।