এইবাৰ MONEY FOR JOB নহয় এইবাৰ MONEY FOR RESULT । মেট্ৰিকত ভাল ৰিজাল্ট দিয়াৰ নামত বৃহৎ ধনৰ লেনদেন । ধনৰ বিনিময়ত প্ৰথম বিভাগ,ষ্টাৰ, ডিষ্টিংচন, স্থান নিৰ্ধাৰন মেট্ৰিক পৰীক্ষাৰ । হাইষ্কুৰ শেহতীয়া পৰীক্ষাৰ ফলাফল ঘোষনাৰ পূৰ্বে মূল্যয়নৰ ক্ষেত্ৰত বিয়াগোম কেলেংকাৰী । কামৰূপ জিলা স্কুল সমূহৰ পৰিদৰ্শকৰ কাৰ্য্যালয়ত ৪ঘন্টা ধৰি অভিযান কামৰূপ আৰক্ষীৰ । এশ জনীয়া আৰক্ষীৰ দলে অভিযান চলালে কামৰূপৰ IS অফিচত । সোধ পোচৰ বাবে কামৰূপ জিলা আৰক্ষী অধীক্ষকৰ কাৰ্য্যলয়লৈ নিয়ে কামৰূপ জিলা স্কুল সমূহৰ পৰিদৰ্শক মাধৱ ডেকা, শিক্ষা বিভাগৰ জিলা আঁচনি বিষয়া তথা ছেবাৰ সমন্বয়ক ফুলপাহী নাথ, কাৰ্য্যালয়টোৰ কৰ্মচাৰী প্ৰশান্ত দাসৰ লগতে আন এগৰাকী চতুৰ্থবৰ্গৰ কৰ্মচাৰী শিৱেশ্বৰ কলিতাক ।
সোধপোচৰ বাবে আটক কৰা কেউগৰাকীকে পৃথকে পৃথকে মাৰাথান জেৰা অব্যাহত ৰাখিছে কামৰূপ আৰক্ষীয়ে । অভিযান কালত কামৰূপ জিলা স্কুল সমূহৰ পৰিদৰ্শকৰ কাৰ্য্যালয়ৰ পৰা আৰক্ষীয়ে জব্দ কৰিছে কেইবাটাও লেপটপ, মোবাইল ফোন আৰু বহুতো নথিপত্ৰ । অভিযানত কামৰূপ আৰক্ষীয়ে জব্দ কৰে বুজন পৰিমানৰ নগদ ধন । কামৰূপৰ গৰৈমাৰীৰ মাজৰটোপ উচ্চতৰ মাধ্যমিক বিদ্যালয় আৰু গৰৈমাৰি আঞ্চলিক মাদ্ৰাছা ছোৱালী বিদ্যালয়ৰ অধ্যক্ষৰ পৰা উৎকোচ লোৱাৰ অভিযোগৰ ভিত্তিত অভিযান চলাই ।
অধ্যক্ষ দোস্ত হবিবুৰ ৰহমান আৰু আক্কাছ আলিক আহমেদকো গ্ৰেপ্তাৰ কৰিছে আৰক্ষীয়ে।
